NewDelhi, Naitung 08: Ka seng ba dei peit ia ka hol long man briew “Asian Centre for Human Right haba pynlait ia ka kaiphot ha kaba ia dei bad ka jingpyniap noh ia ki khun kynthei kiba dang pung ha ka pyrthei na ki daw kiba ym lah ban tip ja ka shisnem kan nym duna ia ka 1.5 million man u snem.
Kat kum kane ka kaiphot kaba la pynlait da ka ACHR la ong ba ka Ri India ka wan ba saw ha kaba ia dei bad ka jingpyniap ia ki khun kynthei kiba dang pun, ka ACHR ka kam ba ia kane ka jingkhein la ai sha kid a ka “CIA World Factbook”.
Ki Ri kiba pynhap noh ia ki khun haba pun lada dei ki khun kynthei katkum ka jingai jingkhein jong ka ACHR ka Ri Liechtenstein, kala wan ha ka kyrdan kaba nyngkong, ba ar, China, ba lai Armenia, ba saw ka India, ba san ka Azerbaijan, bad ka Viet Nam , ba hynriew ka Alabania, ba hynniew ka Georgia, ba phra ka South Korea bad Tunisia, ba khyndai ka Nigeria bad ba shiphew ka dei ka Ri Pakistan.
Katkum kane ka kaiphot, ym pat don kano kano ka Ri kiaba la shim ia ka rai kum ka South Korea, ban iada ia ka jingshah pynhap noh ki khun kynthei, wat ha dien ba kila don shibun bah ki ain kiban khanglad ia kane ka jingleh. Ha India ka long beain ban phah test ha ka por ba pun la dei kynthei ne shynrang. Katba kiwei ki ri ki dang ia krenkumno ban leh ha kane ka liang.
Ia kane ka bynta ym pat lah ban khang na ka daw jong ka jingdon jong ki mashim kiba lah ban test ban tip la I khun ba pun dei kynthei ne shynrang, la ong u Suhas Chakma Director ka ACHR ha ka kaiphot.
