Shillong, Nailar, 13: U General Secretary ka seng lehnoh HNLC kaba la shah niew beain u bah Sainkupar Nongtraw mynta ka sngi ha ka kyrwoh kaba la phah sha ki lat pathai khubor u la ong ba ka seng ka pynpaw iaka jingsngewkyndit bad ka jingsngewsih kthang halor ka jingshah pyniap u Bah Che.
Ha ka kyrwoh u la ong ba, ha ka jingshisha ia u Bah Che lah pyndon kam da ki IB bad ki SB baroh shi katta ba un ia syllok bad ka seng ba kin wan iakren. Ki shithi ba ki phah sha ki IB bad ki SB ruh dei lyngba jong u.
U Bah Che ym don bynta bad ki kam ka Seng, hynrei u shu long tang kum u ksiang hapdeng ka seng bad ki SB ki IB. Ha kaba iadei bad kane ka jingjia ka seng ka kyntu ia ki Sengbhalang ba kin buh hi la ka jong ka kynhun tohkit ban lap iaka jingshisha la u bah Che u don kti ne em bad ka Seng.
Ka seng ka phah ka jingsngewlem sha kiba haiing hasem baroh bad ka HNLC kan iai buh jingkynmaw ia u Bah Che kum u Nongseng bad u nongialam ba shitrhem kane ka long katkum ka kyrowh kaba la phah da u bah Saińkupar Nongtraw, General secretary cum Publicity secretary, HNLC.
