Shillong, Iaiong 08: Ka shad suk mynsiem ha Madan Weiking ia kaba la pynlong da ka seng khasi seng kmie ha Madan Weiking kala kynjoh sha ka 106 snem mynta u snem ia kaba la sdang mynta ka sngi ia kaba la tip ia kane ka sngi sdang kum ka sngi noh kjat.
Ha ka por ar baje noh phai sngi la sdang ia ka jingialum lang ha iing seng ha Mawkhar ha kaba kala don ka jingduwai ha u nongbuh nongthaw da u Bah KSR Syiemlieh u wei na ki nongialam jong ka seng ha kaba la ia but lang da baroh ki para kur para kha kiba la ia wan ha kane ka sngi.
Na kane ka jaka la ia mih paidbah ban iaid da ka paidbah ha ryngkat ka ksing ka dhah ryngkat ki tang muri sha Madan Weiking ban sdang ia ka noh kjat bad shuwa ban sdang ia kane ka noh kjat shad suk myniem la don ka duwai ka phirat ba kane ka shad kan iaid beit ia ryntih da ka jingkyrkhu kyrdoh u nongbuh nongthaw.
Ka shad suk mynsiem kan long na ka bynta lai sngi lynter, mynta ka sngi ka noh kjat, la shai ka jingshad ha ka sngi kaba ar bad ha ka sngi nyngkong kan sa long ka jingpynkut ia kane ka shad suk mynsiem kaba shishien snem ha katei ka madan weiking.
