Shillong, Nailur 24: U Myntri Rangbah ka jylla u Conrad K Sangma shongknor ka Meghalaya Democratic Alliance (MDA) u la ong ba ka jingbujli ia ki myntri ha ka sorkar kan shong ha ki party kiba don hapoh ka sorkar.
Haba kren ha ki lat pathai khubor mynta ka sngi u shongknor jong ka MDA u Conrad u la kren da kaba shai ban bujli ia ki myntri kiba don ha ka sorkar ka dei ka kam jong ki party ba kin shim ia kano kano ka rai katkum ka bhah kaba la ai ha ki.
Haba ia dei bad ka Party NPP kaba ialam bad ka sorkar u Myntri Rangbah u la ong ba ia kata yn nym lah ban kren ei ei namar kane ka kam ka shong ha u State President ban shim ia ka rai.
U Myntri Rangbah u la ong ba na ka liang jong u don ei ei ban kren halor ka jingbujli ia ki myntri hynrei kan shong ha ki party ba kin shim ia ka rai jong ki iano ban bujli, lada ki party kiba don ha ka sorkar ki tyrwa na ka liang jong u kum u myntri rangbah un pdiang ia kaei kaba ka party ka rai.
