Jowai, Naiwieng 20: Ka jingsyang ia ki jingbam ka long ka jingleh jong u men barim kaba la ioh ia ka jinghikai pateng da ki hajar snem mynshuwa na ki long shuwa man shuwa, ia kane la juh leh da ki briew ha ki por men barim bad la iai beteng haduh kine ki sngi bad kine ki jingbam ki long kiba shngiam bad kumba ka long mynta ka shnong ,mlatkhur bad Thangbuli hapoh jong ka Amlarem Sub Division ki dei ki ar tylli ki shnong b aim na kane ka kam syang dohkha.
Ia kane ka rukom syang dohkha la juh leh ruh da ki briew jong ka Garo Hills, kane ka rukom syang ia ki dohkha ka wanrah ia ka jingbam ka bang bha. Ka jingiapher ha ka rukom syang mynshuwa ka long ba ki briew ki shem jingeh ki hap ban shah ia ka tdem bad kane ka jinghikai ka ICAR ka long kaba lait na ka tdem bad ka jingkhuid ruh ka don namar ka long hapoh jong ka pajwa.
Ka ICAR kala ai ia kane ka synduk ban syang dohkha lai tylli sha ka West Jaintia Hills District , kane ka jingsyang dohkha kan neh haduh 20 snem bad ka dor jong ka kawei ka long T.40000/- tyngka kawei kane ka long ka sien kaba nyngkong la sdang ha Meghalaya.
Na ka liang jong u Deputy Commissioner jong ka West Jaintia Hills u pynpaw ia ka jingsngewnguh ia ka kynhun jong ka CIFT, u Director Dr Ravishankar CN; Dr MM Prasad, u Principal Scientist; Dr Asha, Senior Society jong ka Urban and Rural Empowerment (SURE) kiba la lah ban wanrah ia kane ka kam.
