Shillong, Nailur 05: Halor ka jingiakren ka jingiatai hapdeng ka jaidbynriew hapoh ka rynsan jong ka Meghalaya Indigenous Tribal Constitutional Rights Movement (MITCRM), halor ka jingpynbeit thymmai (Amendment) ia ka khyrnit kaba hynriew jong ka Constitution Ri India, bad nalor ki jingai jingmut kiba la ai teng bad kaba ngi la phah dang shen ha ka 3tarik September 2017, kaba ngi la phah sha u Bah W. Anthony, u Convener, ia ka MITCRM, bad kiwei ki dkhot, ka SKNSBH, KSU, FKJGP, HNYF, SOMALA, GSU, AJYWO, JYF, FKS, GCCM, bad kiwei kiwei na ka bynta ka jing ia pyrkhat lem ka jong ki, khamtam namar katei ka jingpynbeit thymmai ka iadei ruh bad ka jingiadei jong ki hapdeng ka Constitution Ri India bad ka Synjuk lang ki Hima Khasi States Federation of Khasi States bad kiwei kiwei ki dkhot jong ka.
Kaba kongsan bha ha kane ka por ka long ba la dei ka por ba ka Sorkar India kan pyndep ia ki jingkular da kaba pynpaw shai ia ki jingiateh bad ki jingiakular katkum ka IOA & AA hapoh ka Article kaba kyrpang hapoh ka Constitution of India, kum shi bynta ban plie lad ia ka jingithuh shai kdar da ka ain da ka Constitution Ri India, khnang ba kan don ka jingbatai kaba shai da ka Constitution Ri India ia ki jingsynshar tynrai kum ka Dorbar Kur, Dorbar Shnong, Dorbar Raid bad Dorbar Hima, ym ban shu bsuh lyngba ka Sixth Schedule.
Ka Sixth Schedule, ka dei tang kawei na ki ka tnad jong ka Sorkar Jylla bad ka Sorkar India lyngba u Lat –Governor ka jylla bad kam don ka jingiadei bad ki kyndon jingiateh bad ki jingkular katkum ka IOA & AA jong ki Khasi States ia kaba ka Sorkar India kam shim la pyndep bad pyntrei kam haduh kine ki sngi, kumba ngi la pynsngew bad iai ban mynta la palat arphew snem, dang shen ha ka shithi ai jingmut, sha ka SKNSBH bad ki nongialam seng bhalang, ngi la pynpaw shai ba ki nongmihkhmat jong ki District Council kiba long baroh ki nongmihkhmat jong ki political parties kiba la register hapoh ki kyndon ain jong ka Sorkar India kim dei ki nongmihkhmat jong ki Khasi States ki Syiem, Lyngdoh, Sirdar, Wahadar -Hima), bad kim dei ki ba la soi ia kitei ki dulir IOA & AA.
Shuh shuh, ka shithi dang shen na ka Ministry of Home Affairs, Sorkar India, lyngba ka shithi kaba January 2016, ka la pyntikna shai kdar ba ka Sixth Schedule kam don bynta kaba shai ha ka ban iada ia ki Hok kyrpang jong ka jaidbynriew Khasi, Jaintia bad Garo halor ha khydew ka shiap, ki khlaw ki btap, ki um ki wah, ki mar poh khyndew, u pud u sam, ka synshar, khadar bad ka bishar, kumta ka long kaba khia bad kaba donkam ia ki khun ki hajar ban ia tylli lang kawei halor kane ka phang namar katei ka phang kan ktah jur ia ka jaidbynriew lada ngi bakla khamtam haba ngi iohi ia ka ki kyntien kiba la mih na ka shithi na ka MHA bad kumjuh ia ki dak ki shin dang shen kiba khreh ban wan ban nang pyn jngut ia ka hok jong ngi.
Ka dei tang lyngba ka jingpynpaw shai kdar ia ka dulir IOA & AA hapoh ka Article 370A kumba paw ka dulir ka jylla Jammu bad Kashmir ha ka Article 370, ba ngin sa ioh pat ia ka hok kumba la sain dur da ka Khasi States Constitution Making Dorbar hapoh ka Constitution Ri India.
