Shillong, Lber 15: U Myntri ba dei peit ia ka tnad kam kit kambah u bah Dasakhiatbha Lamare haba jubab ia ka jingkylli u bah Mohendro Rapsang la ong ba ka jingbym lah ban pyniaid ka Flybig na Shillong sha Delhi kaba la sdang ha u snem 2020 kala sangeh mynta.
Ka Flybig kaba ka sorkar jylla kala ia soi ia ka soskular kala shim wai ia ka lieng suin jong ka Spciejet hynrei na ka daw jong ka jingwan kane ka khlad COVID-19 ha kine ki ar snem kala hap ban sangeh ia kane ka jingpynher ia ka lieng suin na Shillong sha Delhi.
U Mytnri la pyntip hapoh ka iing dorbar ba ka Flybig kala pan por na ka sorkar haduh ba kut une u bnai lada kam lah ban leh ei ei sa ia peit pat ha dien bala kut mynta u bnai lada kam lah ban pyniaid ka sorkar kan sa shim ia ka rai.
Haba ia dei bad ka Flybig ka jingiateh kular ka long ba ka jingsiewn kan long tang na ka bynta kiba pyniaid, naduh ba sdang ka Flybig kala pyniaid khat hynriew sien bad la siew ruh ia ka pisa kaba T.12.5 klur namar shisien pyniaid ka jingsiew ka long T.12,86,000/-
Haba jubab ia ki jingkylli bynrap na ka liang jong u myntri la ong ba na kid aw jong kiba bun ki jingeh ki lieng suin ba heh kim lah ban hair ha katei ka kat lieng suin ha Umroi ka sorkar ka dang wat jaka da kaba heh ban shna ia ka kat lieng suin ba thymmai.
Haba ia dei bad ka Baljek Air Port kaba la sdang ha u snem 1995, ka sorkar k dang pynkhreh ban pynheh ia ka, la ong ba ia mynta ki don hynniew tylli ki kompeni ba pyniaid ia ki lieng suin na Umroi lyngba ka skhim UDAN jong ka sorkar pdeng.
