Shillong, Risaw 08: Ki nonghikai kiba la pyndep ia ka training jong ki bad ka National Institute of open Schooling (NOIS) ia kiba la phah da ka sorkar jylla kila rai ba lada yn lah ban pynmih ia ka result jong ki hapoh mynta u bnai kin leit ban pynlong ia ka jingiakhih ha Secretariat.
Haba kren ha ki nongthoh khubor ha dien ka jingialang kaba la long mytna ka sngi ha Khasi National Dorbar Hall ha Shillong, ha kaba ki nongmih khmat na baroh ki district kila ia poi sha kane ka jingialang, u Bah N Dkhar u la ong ba kane ka dei ka kam jong sorkar jylla ba kan shim ia ka jingkitkhlieh namar dei ka sorkar kaba la phah ia ki.
La iathuh ruh ba ha ka jingiakynduh ia u Director Education Researcher bad Training, na ka jingiakren ka paw shai ba na ka liang ki bor ba dei peit ia ka NOIS, kim shym la ai da ka jingthoh ban pynmih result mynta u bnai,hynrei la shu ong tang da ka ktien.
Kine ki nonghikai kiba la shah hikai kyrpang ha ka NOIS ha u snem 2013 ki don ka jingsngew lynga namar kane ka kam kan kut ha u bnai Nohprah mynta u snem, kumta ki dawa na ka sorkar b aka dei ban pynjlan shuh ia ka por jong kane ka training, namar kam dei ka jingbakla jong ki hynrei dei n aka NOIS.
Ha ka juh ka por kila byrngem ba la da ka NOIS kan lah ban pynbeit ia kine ki jingbakla hapoh mynta u bnai, kin nym ailad ban plié ia ka ophis jong ki ha kane ka jylla Meghalaya, kim kwah ban iohi ba ki nonghikai kiba shah hikai ha ka NOIS kin pynsep ei ia ka por ka jong ki.
Ha u snem 2013 ka sorkar kala phah 3000 ngut ki nonghikai ha u snem 2014, kala phah 4500 bad ha u 2015 kala phah 3000 ngut ki nonghikai ban shah pyntbit kyrpang ha kane ka NOIS, lada ia ka kynhun ba la leit nyngkong kan long kumne kaei kaban jia ia ka kynhun baa r bad balai. Ban ia kaba don ia kum kine ki jaka ai jinghikai bha ban khang khyrdep.
