Shillong,Naitung 19: Ki paidbah ka shnong Nongsder ha ka jingialang ka ba la pynlong mynta ka sngi ki la dawa na ka sorkar ba ki dei ban pynlait noh ia ki san ngut ki Rangbah dong kiba la shah pharep ba ki VDP jong ka shnong ki la shoh ia u Emnuel Marak haduh ba un da iap.
U Bah Welcome Shangpliang u Rangbah shnong ka Nongsder haba ai jingpynshai sha ki lad pathai khubor halor kane ka jingjia ula ong,hadien ba ki dkhot jong ka VDP ki la ioh jingtip kaba tikna ia ka jingdon ki briew ha ka shnong kiba die ia ki jingdih pynbuaid kum u drok u kynja ka denrite bad kiwei kiwei ki jingdih pynbuaid namar ka shnong ka la mana ban die kum ia kine ki jingdih pynbuaid dei ha ka 17 tarik u jylliew ki dkhot jong ka VDP ki la kem ia ki Khatwei ki ngut kiba dei ki nongdie ia ki jingdih pynbuaid ha kaba u Emnuel Marak ruh u dei na kita ki khatwei ngut ki nongshah kem ha ki dkhot ka VDP,kum ka nongkit kam shnong ki kwah ban ki nongshong shnong ba kin im ka jingim kaba bha kumta ki la ai jingsneng ia ki da kaba shoh dat ia ki hynrei ym dei haduh ba la thmu ban shim ia ka mynsiem briew.
Ha ka 18 tarik u jylliew ki paidbah ki la iohi ia u Marak ba u dang da ieng da ka thuk thuk(bike) ha ka 19 tarik u Emnuel u la wan wad ia u Bah Brik Mukhim uba dei u Rangbah Dong da ka jingthmu ban wan pan map hynrei um shym la ia kynduh ha ka jingshisha lada ym don u Rangbah dong u la dei ban wan ia kynduh ia u Rangbah shnong haka 20 bad 21 tarik u jylliew ki paidbah ki la iohi ia u ba u dang leit bylla hynrei ha ka 3 tarik u Naitung ki la rah noh ia u sha Civil hospital ha ka 5 tarik ula khlad noh na kane ka pyrthei ha ka 6 tarik ki la 5 ngut ki Rangbah dong ki la shah ai FIR ha ka lok jong u Emnuel da ka jingpynshit jong ka Banisha Syiemiong.
Kum kine ki jingjia ha ka shnong ki dei da kito ki riew shi kabu ba ki don daw ia ka shnong namar ka shnong ka la pynmih ia ka hukum kaba eh bha ha kaba ka ki kynthei khasi kiba ioh briew da ki khyllah jait ia ki khun jong ki yn pynduh noh ia ka jingithuh da ka shnong dei lyngba kine ki jingpynmih hukum da ka shnong kaba la pynlong ia kito ki riewshim kabu ban pynbud nam ia ka shnong ka thaw namar ba kin leh eiei ruh kim lah hynrei ki la ioh lad ban pynshit haba poi kum kine ki jingjia.
Ka kong S Lyngdoh Vice president ka seng long kmie haba ai jingkren ha kane ka sngi ka la ong,ba kum ki seng long kmie bad ki VDP kiba trei na ka bynta ka bha ka miat iaka shnong ka thaw ki khlem poi pyrkhat ba kum kine ki jingjia kin wan jia ia ki briew kiba trei na ka bynta ka bha ka miat jong ka shnong ka thaw kin ngat ha kane ka jingjia kaba sngewsih kthang tang na kawei ka briew ka Banisha Syiemiong ka bym dei hi ruh ka nongshnong shnong bad kaba shu wan sah shipor kaba shu kdew kyrteng klumar lada ka dei ka nongshnong shnong jong ka Nongsder ka dei ban tip ia ka kyrteng ki nongshong shnong.
Ki 5 ngut ki rangbah kiba la shah kem ki long u Bah Brik Mukhim rangbah dong jong ka block IV, Bah Jesterfield Langstieh Block II bad dei ruh u Vice president ka VDP,Bah John Nongrum u rangbah dong block V uba dei u president ka VDP bad u Iaineh Shylla Asst rangbah shnong rangbah shnong ka block I uba dei ruh u secretary ka VDP bad u Shemphang Lyngdoh u dkhot ka VDP.SP News)
