Shillong, Lber 14: U Myntri Rangbah ka jylla u Conrad K Sangma haba jubab ia ka jingkylli ka kong Amapreen Lyngdoh la ong ba ka sorkar kala phah da ka jignthoh sha ka sorkar pdeng ban pyrshah ia ka jingthmu ka sorkar pdeng ban pynkylla ia ka jingphah ia ki IAS ophisar sha ki jylla.
Haba jubab ia ki jingkylli bynrap u myntri rangbah ka jylla u la iathuh hapoh ka iing dorbar ba ha ka 22/ Rymphang 2019 ka sorkar Meghalaya kala phah sha ka sorkar pdeng ban ai noh ia ka bhah IAS la ka jong bad ka sorkar ka dang iaid bud dien ia kane haduh mynta.
La iathuh ba ka jingduna ia ki IAS opisar ha kane ka jylla ka long naduh ka sngi ba ioh ia ka jylla, ka jylla Meghalaya ka don ia ka bah ban ioh ai ki IAS ophisar 77 ngut, hynrei kaei kaba ka jylla ka don mynta ka long tang 41 ngut, na kine 23 ngut ki dei ki ba pass IAS bad 18 ngut dei ki bala shah thung IAS.
U Myntri Rangbah la ong ba kane ka jingduna ia ki ophisar kala ktah ia ka jingtrei kam jong ka sorkar jylla, ha pdeng kane ka jingduna ophisar ki ophisar kiba la leit ban trei sha Delhi bad ka sorkar pdeng ki don 5 ngut.
Haba jubab ia ka jingkylli bynrap jong u Saleng u mytnri rangbah ka jylla la ong ban pynshlur ia ki samla pule ban ia khun ia ka eksamin IAS ka sorkar jylla kala buh ia ka jaka hikai IAS kaba la iaid mynta ar snem lyngba ka ALS bad haba ia dei bad ki State Civil Service la leh da ka MATI.
