Shillong.Nohprah 03: Ha shityllup jong ka pyrthei mynta ka sngi ka dei ka sngi burom kyrpang ia kito kiba don ka jingduna ha ki dkhot met, ka sorkar jylla Meghalaya mynta u snem ia kane ka jingrakhe la pynlong ha Pynursla C7RD Block.
Ha ka jingkren jong u Bah Prestone Tynsong myntri ba dei peit ia ki kam khlaw jong ka jylla u ba dei ruh u MLA jong kane ka jaka u la ong ba baroh u briew ne ka briew ha kane ka sla pyrthei ki long kiba kordor bad la kha ia ki sha kane ka pyrthei ha ryngkat kasap ka phong kaba kyrpang.
Ha ka juh ka por u la ai ka jingiaroh ia kiba bun buh kiba don ka jingduna ha ki dkhot met hynrei kila trei shitom badkiew ha kiba bun ki liang, u la ong ba na ka liang jong ka sorkar kan ai ia ki lad jingiarap baroh kaba dei na ka bynta jong ki lyngba ki skhim jong ka sorkar.
Ha ka jingkren jong u Bah HM Shangpliang ba dei u Director jong ka tand social Welfare u la batai ia ki skhim bapher bapher ba ka sorkar ka don ban leh na ka bynta jong u, hynrei ban ioh ia kine ki jingiarap baroh ki dei ban ioh ia ka jinithuh na ki PHC CHC ba ki dei kiba don ka jingduna ha ki dkhot met.
Kiwei ki heh sorkar kiba la ia don lang ha kane ka sngi ki long u Bah P.Tynsong, Block Development Officer, Pynursla CR&D Block, ka kong Sandra Rynga, Deputy Director, Social Welfare, kong K.Marbaniang, District Social Welfare Officer, East Khasi Hills District, ki rangbah shnong bad ki nonghikai jong katei ka thain Pynursla kila ia don lang ha kane ka sngi.
