Shillong, Lber 07: U myntri ba dei peit ia ka tnad pynroi sor u bah Sniawbhalang Dhar haba jubab ia ka jingkylli u bah George B Lyngdoh halor ka jingthmu ka sorkar ban shim jaka ha Kyrdem, na ka lang jong u myntri la ong ka sorkar kan nym leh kano kano ka kam kaba long pyrshah ia ka jingsngew jong ki paidbah.
Haba jubab ia ka jingkylli u mytnri la ong ba ka sorkar ka don ka jingthmu ban shim jaka 200 akar tam en duna ha katei ka jaka ban shna ia ka jaka theh nuit bad halor kane la pynlong ruh ia ka jingsngap paidbah ha ka 8/01/2022 bad ka sorkar ka dang ap ia ka kaiphot na kibor jong ka District administration jong ka Ri Bhoi.
Halor ka jingkylli bynrap jong u MLA ka Umroi halor ka jingbym ioh jingtip ki MLA ia kaei kaba ka sorkar ka leh, dei da mih ki jinghuri hura sa tip ki MLA, halor kane u myntri u la ong ba la shim ia kane ka jingai jingmut u MLA.
Haba ia dei bad ka jingkylli bynrap da u bah Charles Pyngrope MLA ka Ningthymmai la ka sorkar kala buh ne em ia ki kyndon, na ka liang jong myntri la jubab ba ka sorkar kala bu ryntih katkum ka Solid Waste Management Rule 2016.
Halor ka jingkylli bynrap da u u MLA ka Mawlai u Bah Process T Sawkmie, u myntri la ong ba ka sorkar ka kwah ban ioh ia ka jaka ban pyndon kam da ki paidbah ka jylla, kam dei tang jong kano kano ka District hynrei kand ei jong ka jylla.
