Shillong, Lber 08: U myntri rangbah ka jylla u Conrad K Sangma u la iathuh ba ka sorkar jylla kan pynduh pyndam noh ia ka jingai jingbit ia ka kompany ka ba ai ban tei ia ka Shillong Medical College ,bad ka sorkar kan sa iaid sha khmat ban aiti noh sha kiwei ki ban lah ban pyniaid shakhmat ia ka jingtei.
Ha ba ia kren bad ki lad pathai khubor ha ka sngi ba ka sorkar MDA kala rakhe ia ka jingdap saw snem u myntri rangbah u la ong ka don ka jingeh ha ka ba ia dei bad ka jingtei ia ka Shillong Medical College namar ba ka kompany ka ba la ioh ia ka kam ban tei ia ka ne ka collage ki khlem lah ban sdang ia kane ka kam.
U Myntri Rangbah la ong ba katei ka Kompeni kala shu ai daw kawei hadien kawei bad dei na ka ne ka daw ba ka sorkar ka la rai ban pynduh pyndap noh ia ka ne ka jingiateh bad kane ka kompany.
Ha ka ba ia dei bad ka jingtei ia ka Tura Medical College , u myntri rangbah u la iathuh ba ka jingpyntrei ka la iaid shait shait .Ha ka ba ia dei bad ka jingtih dewiong na ka liang u Myntri rangbah u la ong ba “ngam kwah ban kren eiei namar ba kane ka mat ka long subjudice bad lada nga kren eiei kan ym long ia nga” .
Ha ba ia dei bad ka jingbun ki khynnah ki ba la ieh noh ia ka jingpule na ka liang u myntri rangbah u la ong ba ka dei ka jingshisha ba ka jingiehnoh ia ka jingpule ka jur bha ha ka jylla ,ha ka dei ka mat ka ba la ktah bha ia ka jylla ,hynrei ha kine ki sngi ban wan na ka liang ka sorkar jylla kan shimkhia bha ia kane ka mat .
