Shillong, Iaiong 26: U myntri rangbah jong ka jylla u Conrad K Sangma ryngkat bad u myntri ba dei peit ia ka tnad pynneh pynsah ia ki riti dustur u Bah AL Hek mynta ka sngi ki la leit ban jngoh ia ka jingtrei ha kaba ia dei bad ka Shillong International Centre for Performing Arts and Culture (SICPAC) kala la iaid mynta ha Mawkasiang.
Ha kane ka jingleit jngoh na ka liang jong u myntri rangbah u ka kren shai ba ka sorkar ka kwah ban pyndep ia kane ka jingtrei ha ka por ba la buh da kata ka long ba kane ka jingtrei ka dei ban dep haba kut jong mynta u snem 2018. Ka jinglut na ka bynta kane ka jingtei kan long T.151.33 klur tyngka.
Ynda la dep kane ka jingtei, kane kan long kum ka jaka pdeng ban pynlong ia kino kino ki jingialang kiba heh na ka bynta ban pyninam ia ki riti dustur bad ka jaka ba lah ban pynlong ia ki jingiakop rwai, ka jaka iakop shad bad ka tamasa ha kaba ia dei bad ka jingpyni ia ki phlim. Kane ka jaka kan ngiam 1750 ngut ki nongpeitkai, kawei pat kan ngiam 612 ngut ki nongwan jngohkai bad kawei pat kan ngiam 325 ngut ki nongwan ia shim bynta.
Ka madan ka lah ban ngaim haduh 15,000 ngut ki nongwan jngohkai , kane ka jaka kan long ruh ka jaka hikai ha ka liang ka pud ka tem ia ki samla ka jylla Meghalaya bad kum juh ia ki samla ka dang shatei lam mih ngi jong ka Ri India. Kiba la ia don lang ha kane ka sngi ki long u MLA jong ka Mawryngkneng u Bah David Nongrum, ka Director Arts bad Culture ka kong MW Nongbri u DC jong ka East Khasi Hills u Bah PS Dkhar.
