Shillong, Jylliew 09: U Myntri rangbah ka jylla u Dr Mukul Sangma haba jubab ia ka mat jingiakren hapoh ka iing dorbar kaba la wanrah da u MLA jong ka seng HSPDP u Bah Witting Mawsor ba dei ban thing kam biang ia u Kardius Syiemlieh.
Na ka liang jong u myntrti rangbah u la ong ba na ka liang jong ka sorkar kan sa bishar bniah ia kane ka kam shuwa ban leh ei ei ia kaba don kam, lada de ban thung biang ia u Kardius ha ka kam.
U Bah Mawsor haba wanrah ia kane ka mat jingia kren ha poh ka iing dorbar u la ong ba ka jingweng kam noh kynsan ia u Kardius kala ktah ia ka iing ka sem ka jong u namar ba u kpa jong u la iap ha ka jingsait pathar jong ki pulit Assam ha Langpih ha u snem 2010.
Na ka liang jong u tei u MLA jong ka HSPDP u la kyrpad ia ka sorkar ba kan sngewbha ban pyrkhat lem na ka bynta katei ka iing ka sem ba kin ia im lem namar kumba ka long mynta naduh ba u la duh ia ka kam ki para jong u kim shym la ioh ia ka lad ban leit skul. U da kyrpad jur ba ka sorkar kan sngewbha ban pyrkhat ban thung biang ia u ha katei ka kam kaba u la trei.(SP News)
