Shillong, Rymphang 09: Ka Secretary ka tnad Jal Shakti jong ka sorkar pdeng kaba deipeit ia ka um ka Debashree Mukherjee, kala ong ba kane ka jingiakynduh kaba ar sngi ka long ban pynbha bad kumno ban pyndon kam ia ka um.
Ka Secretary ka sorkar pdeng kala ong ban pynneh pynsah ia ki um kiwah la pyntrei kam da ki surokar jylla, kala kdew ba ha u snem 2023 ka Ri India ka kynduh ia ka jingrang tyrkhong bad ha kaweipat ka liang ka jingshlei um.
Haka jylla Karnataka bad Tamil Nadu ki ioh ia ka jingrng tyrkhong kaba la pynmih ia ka jingiaknieh um, katba ha ka jylla Sikkim, Uttarakhand bad Himachal Pradesh, dei kane ba kumno ka ktah ia ka jingkylla ka mariang.
Na ka liang jong ka sorkar pdeng ka shai bha ia kane ka bynta, ban pynneh pynsah ia ki tyllong um, ki um ki wah ka shnong bad ki jylla, kaei kaba kasorkar pdeng ka lah ban leh ka long ban buh ia ka thong, ban ai ka jingkyrshan ha ka liang jong ka Teknoloji bad haka liang ka pisa.
Ka Mukherjee kala ong ba ki jylla kim hap ban ia kren kwei bad kawei ka jylla kaba don ka jingiatyngkhuh kaba ka um ka tuid, kane ka jingiakynhuh lang kaba ar sngi kan thew shata bad kane ka jingleh ka sorkar Meghalaya ka dei ka nuksa, bad ha u snem 2023 kala don ka jingiakynduh jong ki myntri ba dei peit ia ka um la pynlong ha Bhopal.
Kala iathuh ba kan long ka sien kaba nyngkong ba yn shim jingkhien ia baroh ki tyllong ha ka Ri India baroh kawei bad ka jylla Meghalaya kala pyni ia ka tylli ha kaba la dep ban jurip ia ki tyllong kiba don haduh 59000 tylli ha kane ka jylla.
Haba phai sha ka reo ka riang kala ong hap peit bha haba pyndon kam ia ka um lyngba ka jingring um sha ki jaka rep, la ong ba ha kane ka bynta wat ki riew shimet ruh kin hap ban ia shim bynta lang, kala ai ka jingiaroh ia ka sorkar jylla.
