Shillong, Naitung 02: ka Joint Secretary jong ka sorkar pdeng, ka tand pynroi nongkyndong ka Aparajita Sarangi kala leit ban jngoh ia ka shong Sadew bad Mawklot ban leit peit ia ka rkom pynshna ia ki skhim ha ki shnong nongkyndong lyngba ka MGNREGS bad ha kane ka sngi kiba la ia poi ki long na ki shiphew tylli ki jylla.
Kine ki ar tylli ki shnong ki hap hapoh jong ka Block Mylliem, na ka liang jong ka tei ka heh jong ka sorkar pdeng ha ka jingkren ka jong ka kala ong ba ka sorkar pdeng kan dang iai beteng ban pyntrei kamia kane ka skhim sha ki nongkyndong bad ka pisa kan nym sah teng hynrei kan iai tuid.
Kane ka skhim kan iarap shibun ia ki nongkyndong ha kaba ia dei bad ka ioh ka kot namar lyngba kane ka sngi kin ioh ban trei shispah sngi ha shisnem.Ha ka juh ka por ka sorkar pdeng kan iai bteng ia ka jingpyntrei kam ia ka skhim shna painkhana ha kaba baroh ki long iing kin ioh bad kan pynlait na ka jingleit bar pathar.
Ha kane ka jingialang kane ka heh sorkar pdeng kala plie ia ka BNRGSK ha kane ka sngi la pynbna ruh ba kane ka shong Mawklot ka dei ka shnong kaba baroh ki long iing kila don ia ka painkhana, ha kane ka sngi na ka liang jong ka sorkar jylla la don lang ruh u P. Sampath Kumar, Commissioner bad Secretary, C&RD Department, u Bah P.S. Dkhar, Deputy Commissioner, East Khasi Hills District, u Khurshid Ahmad, Secretary, jong ka sorkar jylla f Jammu bad Kashmir bad ka project Director, DRDA, East Khasi Hills District, kong P. L. Lawai.
