Shillong, Jymmang 16: Ka Students’ Affairs Committee jong ka skul bah Martin Luther Christian University mynta ka sngi kala pynlong ia ka jingiakop shad DJ hapoh jong katei ka jaka pule ha kaba ki samla pule na baroh ki shnat pule kila ia shim bynta.
Ki san ngut ki samla pule kiba la ia shim bynta ha kane ka jingiakop ki long u Chandabiang, Martin Medhi bad u Franky Wanniang na ka shnat pule Computer Science, K. Lalruatkima na ka Environment bad Traditional Ecosystems , u Meyusapong jong ka Tourism bad Travel Management. Na kine ki nongiashim bynta yn jied ar ngut bad kin ioh ban ia shim bynta ha ka phainal University Week, “Aurora 2017”
Kine ki nongiashim bynta ki shad na ka bynta 10 minit bad ia ka nam jong ki nongjop la raid a u paidbah ba peitkai bad kine ki samla pule kiba long ki nongpeit kai kila ai ia la rai ka jong ki da ka jingiapyrta da ka sur kaba jam ba ki nongjop jong kane ka jingiakop shad DJ ki long u Chandabiang na ka shnat pule Computer Science bad u Meyusapong na ka shnat pule Tourism bad Travel Management.
