Shillong, Naiwieng 17: U myntri ba dei peit ia ki kam khlaw ha ka jylla u Clemet Marak haba kren ha ka sngi pynkut noh ia ka tamasa ‘Cherry Blossom Festival’ kaba lai sngi lynter u la ong ba kane ka jingleh kmen kan pynlong ia ka jylla kum kawei na ki jaka pdeng jong ki kam jngohkai pyrthei.
U la ong ba ia kum kane ka tamasa ka sorkar kan dang iai pynlong ha ki snem ki ban wan ha ka rukom kaba khang ishongkun. Ia kane ka tamasa la pynlong da ka jingiasnoh kti lang ka tand khlaw jong ka sorkar jylla bad ka Institute of Bioresources & Sustainable Development (IBSD) jong ka sorkar pdeng.
Ha kane ka sngi na ka liang jong u myntri u la sam ia ki certificate sha ki nongiashim bynta ha ki jingiakop ki bapher bapher kiba la pynlong ha kine ki sngi. Ha kane ka sngi la pynwai ia ka jingleh kmen da ka tem ka pud bad ka rwai ka siaw ha ka jingiadon lang ki heh sorkar jong ka tnad khlaw.
