New Delhi, Iaiong 23: Ha ka Mann Ki Baat, u Myntri Rangbah duh u Modi u la pynlong kongsan ban rakhe ia ka deiriti kaba im bad ka jingiapher ha ka ktien ka thylliej jong ka thain Shatei Lammihngi. Da ka jingiathuhia ki khana jong ki briew ba khrawn na kane ka thain, u la pynshlur ia ka ri baroh kawei ban bud ia ki dienjat jong ki.
Ha kawei na ki jingjia, u Myntri Rangbah duh u Modi u la iaroh ia kaBijay Shanti na Manipur, kanongseng ia ka start-up kaba pynmih ksai na ki diengsyntiew lotus, kaba la plie lad ba thymmai ha ka kam rep lotus bad kam ba iadei bad ki jain.
U la iasam ruh ia ka khana shaphang ka Mawlynnong, ka shnong kaba don ha Meghalaya kaba la aiti la slem bha sha ka kam ba iadei bad ka jinglehkhuid bad ka la ioh khusnam ‘Asia’s cleanest village’ lane ‘ka shnong kaba khuid tam ha Asia.’
Ka Mann Ki Baat ka la long ka sur jong ki khana ba bun ba iadei bad ka jingkut jingmut na ka thain shateilammihngi. Ka jingkut jingmut jong u JadavPayeng ban thung jingthung ha ka khlaw kaba 300 hectatre ha dewlynnongMajuli jong ka Assam bad ka jingtrei shitom jong u Sange Sherpa na ka bynta ka jingiada ia ka mariang ha ka jingkynjang kaba 12,000 phut ha Sikkim kilong katto katne ki nuksa ba ai mynsiem.
Ha kawei na ki episode jong ka MKB, u Myntri Rangbah duh u la kyntu ia ki riewieidmariang ban leitjngoh ia ka thain shateilammihngi kaba u la ong ba ka don shibun ki lad ba iadei bad ki kam jngohkai.
U Myntri Rangbah duh u la kren ha ka Mann Ki Baat shaphang ka shithi ba la thoh da u Lat jong ka jylla Meghalaya, u Shanmuganthan, shaphang kawei shnong kaba tip kum ka Mawlynnong kaba la aiti la bun bun snem sha ka kam ba iadei bad ka jinglehkhuid.
Ka shnong ka la jop khusnam na ka bynta ‘ka shnong kaba khuid tam’ ha Asia kumba katto katne snem mynshuwa, bad man ka pateng ka kut jingmut na ka bynta ka jinglehkhuid.
U Myntri Rangbah duh u la kren shaphang ka jylla ka thain shateilammihngi jong ka Meghalaya, kaba la long ka jylla ba nyngkong ban don ia la ka jong ka water- policy.
Ha ka jingai jingkren jong u ha ka Mann Ki Baat, u Myntri Rangbah duh u Modi u la kren shaphang ka shithina u BhaveshDeka na Guwahati, ha kaba la iakren ia ki jingeh ba iadei bad ka thain shateilammihngi.
U Myntri Rangbah duh u la pdiang ia ka jingiashim bynta shitrhem jong ki briew na ka thain shateilammihngi bad kren shaphang ka rai jong ka sorkarModi ban phah ia ki ophisarsorkar bad ka kynhun lang kaba hynniew sngi sha ki jylla ka thain Shatei Lammihngi.
Ba kin leit ban jngoh ia ki distrik, ki shnong, ban iakynduh ia ki ophisarsorkar ha ka thain bad iakren bad ki nongmihkhmat jong ki paidbah bad ki nongshong shnong ban sngap ia ki jingeh jong ki bad ban shim ia ki sienjam kiba biang ban pynbeit ia ki.
Haba ki wanphai bad kane ka jingsmai, kin lah ban sngewthuh kham bha ia ki jingeh jong kine ki jylla wat haba ki la poi sha Delhi. U la ong ba kane kalong ka sienjam kaba khraw ban mih na Delhi ban leit sha ka phangmihngi, bad ia kane la khot ka “Act East Policy.
U Myntri Rangbah duh u Modi ha ka Mann Ki Baat jong u, u la kren shaphang u JadavPayeng jong ka Assam uba la iohpdiang khusnam Padma na ka bynta ka kam jong u. U JadavPayeng u long u briew ubanohsynniangshitrhem ban tei ia kumba 300 hectare ki jaka thung jingthung ha dewlynnongMajuli ha Assam.
U la trei khlem sangeh ban iada ia ki khlaw bad u don bynta ruh ban ai mynsiem ia ki briew na ka bynta ka kam thung jingthung bad ban pynnehpynsah ia ki jingdon jingem ka mariang.
Ha kane ka episode jong ka Mann Ki Baat, u Myntri Rangbah duh u Modi u la kren shaphang u SikariTissaunaKarbiAnglongdistrik ha Assam, uba la buddien ia ka ktien Karbi mynta la 20 snem.
Ka ktien Karbi, kaba kren da ki jaitbynriew riewlumKarbi, ka la sdang jahna ka imlang sahlang, bad u Tissau u la shim ia ki sienjam ban pynnehpynsah ia ka thymmei jong ka. U Tissau u la iohpdiang khusnam bad jingithuh na ka bynta ka kam jong u, bad u Myntri Rangbah duh u la ai khublei ia u na ka bynta ki sienjam jong u.
U Myntri Rangbah duh ha ka jingai jingkren jong u ha ka Mann Ki Baat u la kren shaphang ka Bijay Shanti na Manipur na ka bynta ka jingsaindur ba thymmai. Ka la sdang ia ka start-up ban shna ksai na u diengsyntiew lotus. Ki jingpyrshang bad jingsaindur jong ka, ki la plie lad thymmai ha ka kam thung lotus bad ki kam ba iadei bad ki jain.
U Myntri Rangbah duh u Modi ha ka jingai jingkren jong u ha ka Mann Ki Baat u la kren shaphang ka Self Help Library, kaba la plie ha shnong Rayo ha Nirjuli jong ka jylla Arunachal Pradesh.
Ka Meena Gurung bad DewangHosayina kane ka shnong ki la bei tyngka na ka bynta kane ka library hadien ba ki la ioh jingtip ba ha kane ka thain ym don library.
Ha kane ka library ym donkam membership ne jinglong dkhot bad kadei kaba plie baroh hynniew sngi baroh 24 kynta. Ki briew ki lah ban shim ia ki kot haduh ar taiew bad ki hap ban pynphai hadien ba ki la dep pule.
Ha kane ka jingai jingkren jong ka Mann ki Baat, u Myntri Rangbah duh u Modi u la kren shaphang ki sienjam jong ki MP ha ki jaka nongkyndong. U la kren shaphang ki sienjam jong u C.L Ruwala, MP na Mizoram, uba la jied ia ka shnong Khwalahilung na ka bynta ka Adarsh Gram bad sdang ia ka Sugarcane Festival ban kyntiew ia ka jingpynmihpai bad pyniaid iew ia une u jingthung jong ka shnong.
U Myntri Rangbah duh u Modi ha ka jingai jingkren jong u ha ka Mann Ki Baat u la kren shaphang ka jingleitjngoh ba dang shen jong u sha Sikkim, ha kaba u la iakynduh ia arngut ki samla, u AnuragAgarwalbadSidhiKarnani, kiba ladep pule na IIM bad ki don bynta ha ka start-up ba iadei bad ka rep ka riang ha ka thain shateilammihngi jong ka ri.
U Myntri Rangbah duh u Modi u la kren shaphang kawei ka jingong kaba u la iohi ha ka rynsan MyGovna uwei u briew ba kyrteng Ramesh Sharma ha Assam. U Sharma u la kren shaphang ka tamasa ba la tip kum ka Brahmaputra Pushkar, kaba la pynlong hapdeng ka 1 bad 16 tarik Naiwieng ha ka wah Brahmaputra. U Myntri Rangbah duh u la dap da ka jinglyngngoh ban iohsngew shaphang kane ka tamasa.
U Myntri Rangbah duh u Modi u la kren shaphang u Sange Sherpa jong ka jylla Sikkim, uba la trei na ka bynta ka jingiada ia ka mariang ha ka jingkynjang kaba 12,000 phut mynta la 14 snem.
U Sange Sherpa u la pynkhuidia ka Tsomgo lake bad ki sienjam jong u ki la pynkylla ia ka jinglong jong kane ka pung kaba ioh um na ki jaka shongthah. Mynta, ki don ki jaka bretniut ha sawdong jong kane ka pung, bad ia ki niut ba la lum la phah na ka bynta ban pyndonkam biang. Namar kum kine ki sienjam, ka Sikkim mynta kalong napdeng ki jylla ba khuid tam jong ka ri.
U Myntri Rangbah duh u Modi ha ka jingai jingkren jong u ha ka MKB u la ong ba dang shen u la leit sha ka thain shateilammihngi bad u la kyntu ia ki riewieidmariang ban leitjngoh ia kane ka thain, kaba u la ong ba ka don shibun ki lad.
U la pynpaw ka jingkmen jong u bad iarohia ka jingitynnad ka jaka bad ki briew jong ka bad kyntu ia kiwei ba kin leitjngoh ia ka thain ban ioh mad ia kane kajuh ka jingsngewtynnad.
U Myntri Rangbah duh u Modiha ka jingkren ha kane ka MKB u la kren shaphang ka jingsdangia ki jingshakri 4G internet ha ka shnong Jorsing, Siang distrik, Arunachal Pradesh, hadien ka jingap da ki snem.
U la ong ba kane kadei ka kam ba kongsan ia ka shnong bad ka thain bad u la ianujor ia ka bad ka jingkmen ba ki briew ki mad ha ka por ba poi bording ha ka shnong jong ki ha ki por ba la leit.
Haba kren shaphang ka deiriti jong ka thain shateilammihngi, u Myntri Rangbah duh u la kren shaphang ka MadhavpurMela.Kadei ka tamasa kaba pynlong ha ka shnong Madhavpur kaba don hajan ka duriaw ha Porbandar ha Gujarat.
La ong ba kane ka tamasa ka don ka jingiadei ba Jylliew hapdeng ka phangmihngi bad sepngi jong ka India, kaba mih na ka khanaPauranik. La ong ba u Blei Krishna u la kyntiew kurim bad ka Rukmani, ka khunsyiemna ka thain shateilammihngi, haMadhavpur, Porbandar.
