Shillong, Iaiong 24: U MLA ka North Shillong Constituency u bah Adelbirth Nongrum mynta ka sngi ka 23 tarik u Iaiong 2024 u la phah ka khubor sha ka Sorkar Jylla bad kumjuh ruh sha ka Police Department ba kadei ban shimkhia halor ka jingmih ka jingiakulmar ha kawei na ki restaurants ka ba kyrteng ka Saw Aiom.
Ha katei ka jaka kito ki briew kila don ka jingthmu ban pynmih ia ka jingiakulmar da ki jaitbynriew ki ba shong basah ha poh Themmotor ka ba hap hapoh ka constituency ka ba u mih khmat bad dei peit die khmih.
u la ong ruh ba ka jingthmu jong kine ki briew ba shong basah ha poh Themmotor ka long tangban pynmih ka jingiakulmar ha ka ba ki la leit ban bam ban dih ei hapoh jong kane ka restaurant bad ki don ruh ka jingthmu ba kin pyni bor bad leh donbor ha poh kane ka jylla.
U bah Nongrum u la ai ruh ka jingkhublei ia ka Police department ba ka la ioh ban poi hakane ka Jaka ha ka por ka ba biang ba kin lah bantem shwa ban mih ka jingiakynad, u la ban ruh ba ka police department ba kam dei bankut noh tang ban shutem hynrei ka police ka dei ban pynbeit pyniaidryntih ia ki ain.
U la ong ruh ba ka police department ka dei ban ai ka jingia ryngkat khlem da don ka jingle shiliang khmat ia kano kano ka jaidbynriew khnang ba ki paidbah kin don ka jingshaniah ha ka police department.
U bah Nongrum u la ong ruh ba ka sorkar MDA ha poh ka jingialam ka NPP kam shym la lah ha kaban pyn kynriah ia kine ki briew ki ba shong ba sah ha kane ka jaka mynta la 6 snem tam ka ba pynpaw ia ka jingbymdon ka jingshim khia na ka liang ka sorkar.
U la ong ruh ba na ka liang jong u umdon kano kano ka jingibein ne niewpoh ia ki hynrei ka dei namar ba katei ka jaka kam shym la don shuh ka jingkhuid jingsuba ka ba lah ban ktah ia ka koit ka khiah jong ki briew ba shong basah hakane ka jaka.
U bah Nongrum u la ong ruh ba ka Sorkar ka dei ban pynkynriah noh kham kloi ia kine ki briew ba shong basah ha kane ka jaka. U la ong ruh ba ka sorkar ka dei ban pyni noh da ka kam ha kane ka kynti ba mynta ha kaban pynkynriah noh ia kine ki briew ki ba shong basah ha poh Themmotor.
