Guwhati, Iaiong 27: Ka shnat trei kam jong ka kompeni ITC, ka dei peit kyrpang ia ka jingpynmih ia ki jingdih bad ki jingbam, kala pynpaw paw ka kwah bn ban ai sha ki nongthied ia ka umsoh kaba lah ban pynhun ia kiba dih ia ka namar ia ka Umsoh B Natural Juices la shna na ki soh.
Ka ITC ka iathuh ba kum ka kompeni ka kwah ban ai sha ki paidbah ia ka umsoh kaba dei shisha kaba la shna na ki soh, ym ka umsoh kaba la shu pynphuh tang ka rong, kane ka jingwanrah jong ka ITC ia ka jingkylla ha ka rukom shna umsoh lyngba ka shnat ba dei peit ia ka jingpynmih ia ki jingdih ba long umsoh kan ai sha ki paidbah ia kaba bhatam.
Ia ka Umsoh B Natural la wanrah ia kane ka jingkylla ha u snem ba la dep ba ia ka umsoh B Natural la shna nyngkong 100% da ka um kaba la shim na u soh u ba la tip kyrteng kum u soh Pomegranate. Ki paibah nongthied ki sngewtynnad ban thied bad dih ia kane ka umsoh bad kane kala pynlong ia ka kompeni ban shim ia ka rai ba baroh ki umsoh kiba kin pynmih kan dei noh ka umsoh kaba la shna na ki soh ym shuh ka umsoh kaba pynthaba tang ka rong. Ha kine ki lai snem kiba la leit noh ka kompeni kala pyniaid iew ia shibun ki jait umsoh ha ki kyrteng ba bun jait. Ki umsoh kiba la pyniaid iew ha Jylla Punjab, ki long kum ka, da kinnow, Bael bad ka Phalsa bad kane ka jingwanrah ia ka jingkylla ha ka rukom shna umsoh kan dang kiew ha kine ki sngi kiban wan.
Kane ka jingkylla ha kaba pynmih ia ki umsoh kaba dei shisha ne ki soh kum ka umsoh kaba la ai kyrteng B Natural’s ka dei kala la jurip bha ha dien ka jingiamir jingmut kaba bniah ha ka rep ka riang ia kaba la kyrshan da ka ITC’s da kaba shim ia ka nuksa na ka e-Choupal model. Kane ka long ban don ia ka jingiadei kaba jan ha ki snem baroh bad ki nongrep ban kyrshan bor ia ki nongrep bad kane kala urlong mynta ha dien ka jingiai pyrshang kaba la slem slem bha.
Da kane ka rukom ka shnat trei kam jong ka ITC kaba dei peit ia ka rukom pynmih ia ki jingdih bad ki jingbam kala pynshlur ban thied ia ki marrep na ki nongrep jong ka Ri India bad kane kan iarap ia ka ioh ka kot jong ki nongrep ka Ri India. Ka ITC kompeni nangne sha khmat kan dang pynbun ia ka jingbei pisa ha kaba buh ia ki jaka shna pynmih marbam bad kan long ruh ka lad ai kam ia jam bad kan khanglad ia ka jingpynsep ei ia ki marrep.
U Hemant Malik, u Divisional Chief Executive jong ka shnat pynmih marbam jong ka kompeni ITC, u la ong ba ka ka umsoh “B Natural, kam dei shuh ka umsoh kaba la shna tang ban pynphuh rong, ia kaba la pyniaid iew ha Ri India naduh ba sdang, hynrei mynta kum ka kompeni ka sngew sarong ban ong ba ha dien ba la pynlong ia ka jingwad bniah la bun bun snem, ka kompeni mynta kala wanrah ia ka jingkylla ha kaba shna ia kane ka umsoh da kaba shna ia ka umsoh na ki soh kiba la thied na ki nongrep jong ka Ri India bad kane ka jinglah ban wanrah ia ka jingkylla kala pynlong ia ka kompeni kaba kiew sted napdeng ki kompeni pynmih marbam ha ka Ri India.
Ka kompeni ITC kan pynmih ia ki jingdih bad ki jingbam kiba ia ryngkat dor haka pyrthei hi baroh kawei. Kane ka umsoh B Natural’s kan pynhun ia ki nongthied kiba dih ia ka khamtam eh ki brew mynta ki kham phikir bha ha ka koit ka khiah. Ia ka kane ka umsoh B Natural la pynlait paidbah ha ka jingialang kaba la long ha Bandstand ha Bandra, Mumbai bad ka aktress Shilpa Shetty kan long ka nongrah ktien na ka bynta kane ka umsoh B Natural kaba la shna na ki soh. Ia kane ka umsoh la shna ha Bengaluru bad ka rukom song ia ka la leh ha ki hynriew kyrdan khnang ban pynneh ia ka jingbang ka umsoh khlem da don kano kano ka jingkhleh ban pynneh slem ia ka jingbang.
Ki nongthied ki lah ban ithuh kano ka umsoh B Natural kaba shisha namar ia ka jingsong jong kane ka umsoh la buh da ka dur jong u ribbon rong jyrngam ha kadiang jong ka jingsong bad kane ka kdew ba kane ka umsoh kam dei kaba la shna tang ban pynphuh rong. Ia kane ka umsoh phin ioh na baroh ki dukan ha baroh kawei ka Ri India. Ia kane ka umsoh phin ioh ka song kaba 1 litter bad ka dor jong ka ka sdang na ka T.99 tyngka bad ka song kaba 200 ML ha ka dor T.20 tyngka.
Ka ITC,s ka dei ka kompeni pynmih ia ki jingdih bad jingbam ha India ka dei kaba la kiew sted ha ki kam khaii jong ka ha jingpynmih ia ki jingdih bad jingbam, ki katto katne ki kyrteng ki long, Aashirvaad, Sunfeast, Bingo!, YiPPee!, Kitchens jong ka India, B Natural, Mint-o, Candyman bad GumOn. Ka kam khaii pateng ha ka liang jong ki marbam ki don bun jait ha ki iew ki hat, kum ki jaid khaw ba bun jaitm ju Atta, ki musla, ki jingbam ba long ban bam nih, ki jait biskit ba bun rukom, ki jingbam tendur ba bun jait, ki jait umsoh ban harukom bad dang shen ki kynja shoklet.
Ka ITC,s ruh mynta kala pynmih bun jaid ki jingbam bad ki umsoh bad ki jingdih bad ki jingbam kiba la pynmih da ka ITC,s kompeni kila rung ha man ki iing jong ki briew namar ka rukom pyniaid iew ia ki ka long kaba iaid beit iaid ryntih bad la shna ruh ia ki ha kata ka rukom kaba ki paidbah jong kane ka Ri India ki sngewtynnad ban bam.
Ki jingbam bad ki jingdih kiba la pynmih da ka ITC,s ka thong jong ka, ka long ba ki jingdih bad ki jingbam kin long beit kiba tei ia ka met ka phad jong u briew haba ki bam. Baroh ki jaka ba ka ITC,s ka shna ia ki jingbam, jingdih ka long kiba khuid bad ka but thik ia ki kyndon kiba la buh da ki bor sorkar ia kaba la tip kum ka “ Hazard Analysis and Critical Control Point” (HACCP). Ia ki jaka pynmih ia ki marbam bad ia ki jingdih la peit bniah thikna.
Ha kane ka juk mynta la iohi ba ka jingiadie iathied lyngba kaba shu phah kala long kaba yn nym lah ban khang, hynrei na ka liang jong ka ITC ka pynthikna ka rukom shet ia ki jingbam bad ka jingpynmih ia ki jingdih ki long katkum ki kyndon kiba la buh khang ba ki jingdih bad ki jingbam ki long kiba khuid.
Ka kompeni kan dang iai beteng ban bei pisa ha baroh ki jait jingpynmih bam bad ki jingdih da kaba pynthikna ba kaei kaba ki nongthied nongpet ki ioh kin long kiba bha tam ha kane ka Ri. Ia ki jingbam bad ki jingdih kiba la pynmih da ka ITC Kompeni la shallan ruh ia ki sha bar jong ka Ri India, kum sha North America, Africa, Middle East bad sha Australia.
