Shillong, Rymphang 17: Mynta ka sngi ka North East Regional Institute of Education (NERIE)-NCERT, kaba don ha Umiam, kala pynlong ia ka jingiamir jingmut kaba ar sngi ia kaba la plie mynta ka sngi da Prof. T. B. Subba VC ba dei peit shipor ia ka skulbah NEHU.
Haba kren plie ia kane ka jingmir jingmut kaba ar sngi na ka liang jong u Prof. Subba la ong ba ka dei kaei kaei ka jingpyrkhat kaba khraw ban pynrung ia ki jingpyrkhat tynrai ha ki jingpule bad kane ka long ban weng ia ka jingshah synshar mraw na ki jingpule.
Ha kane ka jingiamir jingmut u Prof. Subba la ong ban leh ia kane ka long kaba don kam ban don ka jingtip kaba bniah bad ba janai ban pynithuh da ki nongthoh kot bad kumba ka long ki seng jong ka pyrthei bad ka sorkar kan ai ia ka jingbatai man u ta u trai jaka trai muluk bad u ei u ta u riewlum.
U Vice Chancellor ka NEHU la ong ba ka long kaei kaei kaba sngewsih ban iohi ba ka ki samla pule ha kane juka kaba mynta kim tip shuh iala ka jong ka thymmei, ha ka jingkren jong u la ban jur ban buh da ka jingthoh ha kaba ia dei bad ki rit paid ba dei ki trai ri trai muluk da ka tnad pule puthi ka jylla.
Kum u nongkren ba kongsan Prof. Karanam Pushpanadham jong ka M. S. University na Baroda u la ai khublei ia ka NERIE-NCERT kaba la buh ia kane ka phang ban ia kren kaba kyrpang kaba ia hap bad kane ka polisi thymmai ha ka pule puthi-2020.
La ong ba ka long kaei kaei kaba kongsan ban don ka jingiadei hapdeng ka mariang bad ka riti dustur ban leit biang sha la ka jong ka thymmai ban tip ia ka tynrai ban pynrung ha ka pule puthi bad ha kane ka jingkylla ka mariang ha kane ka juk kaba mynta, ha ka koit ka khiah bad ka rep ka riang ban pynrung ha ka pule puthi. Kane ka jingiamir jingmut kaba la sdang mynta ka sngi kan kut la shai ka sngi.
