Shillong, Nailar 16: U Director ka tnad ka koit ka khiah u Dr Aman War u la ong ba mynta kam dei shuh kaba shngian, na ka liang ka sorkar kala shim ia ka rai ban buh noh ia ka “Screening Centre” Kawei ha Motphran bad kawei ha Khyndailad.
Ha ba kren ha ki lat pathai khubor u la ong ka ka jingpang kumba ka long mynta ka dei kaba ia bit bad puri sted ban iada ia kane ki paidbah ki dei ban denge mask, pyndon kam jingsait kti bad sait bun sien ia ki kti bad kiar ban muh lada ym dei ba don kam.
Na kiba la test COVID-19 positive ha ka jylla kiba ka tnad ka koit ka khiah kim pat lap di en na ei kine ki 24 ngut ki ioh ia kane ka jingpang ym pat tip, kine ki 24 ngut ki dei ki briew kiba khlem leit shaei shaei ruh mynta ruh ki dang wat na ei ki ioh.
La iathuh ba na ki 15 ngut ki riew paidbah kiba la test COVID-19 positive na kine 3 ngut dei kiba ioh ia ka jingpang shitmet ktha khlieh bad haba la test ia ki la shem ba ki long positive, la ong ba wat ha jingpynhiar ruh lah ban test COVID-19 positive, kane ka long ia kito kiba don jingshitom bym lah ring mynsiem.
Haba ia dei bad ka jingphah shong Quarantine ia ki briew kan long beit 14 sngi ia kiba la test COVID-19 positive bad ia ki test Negative kiba wan na shabar ka dei ban long tang 7 sngi. Ki shnong ki dei ban sngewthuh ia kane.
U Dr War u la ong ban iada ia kane ka jingpang kam don tang ban phikir bad bud ia ki kyndon bala buh da ka sorkar, kata ka long ban denge mask haba mih sha ki jaka paidbah, ban pyndon kam ia ki sanitizer bad ban sait kti da ka sabon man ka por bad kiar ban mih shabar lada yn don kam.
La iathuh ba na pdeng kiba la koit mynta ka sngi u dei u Dr T. Rymbai bad u wei u Dr ka Civil Hospital Shillong. Kumba ka long mynta kina koit ha ka jylla ruh kala kiew haduh mynta kiba la koit jan kot sha ka 50%.
