Shillong, Risaw 12: U SP jong ka East Khasi Hills u Bah M Kharkrang u la pyntip ba kan don ka jinghikai ia ki samla kiba kwah rung kam pulit ia kaba la tip kum ka ‘Meghalaya Police Recruitment, 2016’ kaba dei na ka ‘Chief Minister’s Career Guidance and Counseling Scheme’.
Ha East Khasi hills kan long ha ka 18 bad 19 tarik mynta u bnai ha U So So Tham Auditorium Hall, State Central Library, Shillong bad ka por kan long naduh 02:00 noh phai sngi kane kan long tang iakito ki samla kiba kwah rung kam pulit.
Ia kum kane ka juh ka jinghikai yn pynlong ruh hapoh ka ophis jong u SDO (Civil) Sohra ba kane kan long ha ka 20 tarik mynta u bnai.
