Shillong, Nohprah 01: Da ka jingiasngew para briew halor ka jingduh jong ki mynsiem briew bad jingduh noh jong ka iing n aka daw jong ka light ha ka Hima Lyniong mynta ka sngi kum ki paidbah kila ai ki jingiarap ban ia tynrong lang ia ki jingeh kaba ki long iing ki ia kynduh.
U Bah Staising Kharbeteng u wei na ki nongialam seng bhalang na kane ka hima haba ai ia kine ki jingiarap sha kine ki long iing kiba la mat ia kane ka jingeh bad ka jingduh, u la ong ba kane ka jingnoh syniang ki kum ka dak ba ki ruh ki don ia kata ka jingsngew duh kaba khraw ha kum kine ki jingjia kaiba sngewsih.
Kine ki jingiarap kiba la ioh ban ai mynta ka sngi ka dei ka jingiasyniang lang jong ki riew paidbah na katei ka hima kiba don ka lad ka lynti ban ai jingiarap lem ia ki long iing kiba duh ia ki mynsiem bad ia ki iing na ka daw jong ka light.
