Shillong, Iaiong 04: Hadien ka jingpynbna paitbah ka Voice of the People Party ba ka la pynhap noh ia u bah Adelbert Nongrum ha ka suspension, u bah Adelbert Nongrum u la mih shakhmat ban pynshai halor kane ka mat.
U bah Adelbert Nongrum u ba dei u MLA ka seng Voice of the People Party na North Shillong Constituency u la ong ba kane ka jingsuspon ka party ia u ka dei ka dak ba ka party ka la beh syndon ia u na ka seng.
U bah Adelbert Nongrum u la pynpaw ba u la dep ban iakren bad u president rangbah ka seng VPP ban khot iakren markhmat ia u bad ki 5 ngut ki dkhot ha kano kano ka por, ki long bala kloi ban wan sha ka jingiapynbeit namar ba kim kwah shuh ka jingiapait iapra hynrei ban pynkut noh ia kine kiei.
U bah Adelbert Nongrum u la kynthoh ia ka jingong ka party ba ia ka mat ba iadei bad u bah Adelbert Nongrum yn iakren ynda la dep ka MDC election. Halor kane u la ong ba kane ka jingrai jong ka party ka dei ba ki la buh lupa ban weng dkhot shipor ia u, hynrei khlem da pynpaw shuwa ka election ba ioh ka ktah ia ak election lada leh eiei hashuwa ka election. Balei ki ting bad kin nud ban khot iakren ia nga markhamat dei namar ba ki tip ba ka jingshaisha ka pynmong ia ki.
U bah Adelbert Nongrum u la ong ka jingweng dkhot shipor ia u ka dei ka jingleh kyllaiñ hynrei ka dei kaba ki la weng seng ia u, u la ong “kumba nga kwah ban rung sha ka party, kaba ngam kwah shuh ban mih, lait noh tang da don ka daw bah, haduh mynta ngam pat pdiang ia ka jing ong ka party ba ymdon mano mano ba long halor jong ka party”
U bah Adelbert u la ong ha nga la ka dei ka party ne ka riti synshar ka party ne haba poi ha ka ishu ka jingsengewlem ka khraw bun shah ban ia kata ka aiñ ba la shu thoh, u la ong shuh shuh ba watla un nym ioh shuh ban kren kum ka Voice of the People Party hynrei ngan iai kren pat ha ka kyrteng jong ka Voice of the People.
U bah Adelbert u la ong ba un nym sngewpher la kin kynther la kin kren beiñ katno katno namar kam dei shuh ka sien ba nyngkong ba u mat kum kine ki ba jia bad ka seng, u la ong ba u kwah tang ban bet ia u symbai sha ki paitbah bad haba ong u symbai u symbai pat u dei ban iaineh, ka jingshah kren beiñ bad shah kynthoh ki long pynban ban pynphrang ia u.
