SHillong, Jylliew 24: U bah Prestone Tynsong Symbut Myntri Rangbah ka jylla u la ong ba katkum ka jingkhein kaba la ioh haduh mynta ki briew ban a bar ka jylla kiba wan trei bylla kiba la leit phai ki long 17000 ngut.
Haba ia dei bad kito kiba dang sah ha ka jylla u bah Prestone u la ong ba lah ban ai bylla ia ki namar ba kila don lypa hapoh ka jylla, u la ong ba ka sorkar ka tip ba ha Nongjri jong ka South West Khasi Hills ki don ki nongbylla kiba sah kut ha katei ka jaka kiba khlem leit phai.
La ong ba ki briew kim dei tang tieng ia kine kiba la don lypa ha ka jylla namar mynta la sdang ka trei ka ktah lah ban pyndon kam ia ki, hynrei ia ki briew kiba wan na sha bar ym pat shah lada lap ba don kiba wan pyntip namar ka don ka jingiatrei lang ka sorkar ki hima bad ki dorbar shnong.
