Shillong, Kyllalyngkot 07: Ki riewsniew kiba ym lah ban tip kila leit ban kawang petrol bomb ia ka ophis jong ka party BJP kaba don ha Shillong ha ka por shiteng synia. Na ka liang jong ki pulit kila pynlong ia ka jingtohkit ban lap ia ki nongleh kam sniew.
U Bah Stephan Rynjah, ba dei superintendent jong ka Shillong City haba kren ha u SP News Agency u la iathuh ba ki pulit ki don ka jingsuba jur ba ka dei ka jingshah kawang petrol bom ka ophis jong ka BJP ha ki riew sniew mynni ka miet.
Na ka liang jong ki pulit kila pynlong ia ka jingtohkit mynta ka sngi ban lap ia ka jingshisha ha kaba ia dei bad kane ka jingshah kawang petrol bomb ka ophis jong ka seng sain pyrthei BJP. Ka jingtohkit ka dang iaid sha khmat ban lap ia ki nongleh kam sniew.
U Bah Shibun Lyngdoh state president jong ka BJP Meghalaya State Unit, la ong ba na ka liang jong ka party kila ai ia ka jingujor sha ki pulit bad ki pulit kila pynlong ia kane ka jingtohkit.
Ha ka juh ka por kum ka party kala kren ia u myntri kam poh iing ka jylla u James K Sangma ban kyntu ia ka sorkar ba ka dei ban thwet bad kem ia ki nongleh kam sniew.
