Shillong, Rymphang 21: Ki shpai BSF mynta ka sngi kila ioh ban kem ia saw ngut ki khar Bangladesh bad ioh bat ia kawei ka kali Sumo kaba don ia u number ML04-A-7542 ha kane ka jingkem ia kine ki briew bad ioh bat ia kane ka kali kila ioh ban kurup haduh 300 kilo ka doh masi na kane ka kali.
Kine ki san ngut ki khar Bangladesh kiba la shah kem ryngkat katei ka doh masi ki long u Noor Islam, u Abdul Kalam, Shwel Ahmed, Kamal Miya, kine baroh ki dei na Bangladesh bad u Samiwell Lyngdoh na ka Mutakpur. Ka dor jong kane ka doh masi ka long T.90,000/- bad na kine ki khar Bangladesh la ioh kurup 6025 ka pisa Taka jong ka Bangladesh.
Ha ka jingtohkit jong ki BSF, kine ki khar Bangladesh kila phla ba kane ka masi kaba kila ot ka long ba kala mynsaw shuwa ban poi sha Bangladesh bad ha dien ba kila dep ban ot kila pynkit ha kane ka kali. Kane ka long ka sien kaba nyngkong ba la shllan ia ka doh masi kaba la dep ot kam ki BSF. Ia kine kiba la shah kem la aiti sha ki bor jong ka ain.
