Shillong, Naiwieng 26: Ki shipai BSF kiba don ha khappud jong ka jylla Meghalaya bad ka Bangladesh kila ioh ban kem ia u Battle M. Sangama katba u dang pyrshang ban pynrung ia ka bike sha Bangladesh.
Katkum ka khubor kaba la phah da ki shipai BSF ki iathuh ba ka jingtuh ia ki kali ar shaka na ki shong khappud bad ka Bangladesh ka long kaba la jyllei bha, da kane ka jingioh kem ia u ne u briew na Baghmara jong ka South Garo Hills District kala paw shai ba ka don ka jingkhaii tuh ia ki bike sha Bangladesh.
Ha kawei pat ka jingjia ki shipai BSF kila ioh ban kem ia ar ngut ki briew bad na kine kila ioh ban kurup kawei ka suloi shna hi bad kine ki briew ki dei na ka thain Chokpot. Na ka liang jong ki BSF kila aiti ia kine ki briew sha ki bor pulit ban leh ia kaba don kam.
