Shillong, Jylliew 18: Ki shipai BSF kila ioh jingtip ba ki don ki nongkhaii beain kiba la hiar na India ban leit sha Bangladesh, Na ka liangjong ki BSF kiba don ha Shella kila pynlong ia ka jingsyntiat bad ha kane ka jingap ktem kila ioh ban kem san ngut ki nongkhaii kyntup ia kawei ka kynthei na kine ki briew la ioh ban kurup kawei ka biskit ksiar kaba shong dorbar T.3.15 lak tyngka. Na ki la ioh ruh ban kurup ka pisa India shilak tyngka.
Kine kiba la shah kem la tip kyrteng kum u Wali Ul Miraz 31 snem U Imran Khan 27 snem, U Shaharuddin 28 snem, U Sirajuh Haque 30 snem baroh kine ki dei na Barpetta District jong ka jylla Assam bad ka kong Sidora Shongwan kaba dei na ka shnong Sahlap Shella jong ka East Khasi Hills District Meghalaya.
Na kane ka jingioh kem ksiar jong ki BSF na kane ka thain Shella kala pynkyndit ia ki namar kane ka kam khaii tuh ia ka ksiar kam juh don koit na kane ka thain la ong u PK Dubey , Inspector General BSF Meghalaya Frontier.
Ha ka juh ka porn a ka liang jong ki BSF kila ong ban a ka daw jong ka jingslap jur bad ka jingbym don ia ki floodlight ha khappud ha bun ki jaka kala buh ia ki BSF ha ka jingeh ban ia khun pyrshah ia kine ki nongkhaii beain namar bun na ki jaka ki long ktih bad kane kala pynlong ia ki nongleh kam sniew ba kin ioh lad ban pynsniew ia ki jingdon jingem jong ka sorkar ha khappud bad ka Bangladesh.
