Tura, Naitung 26: Kawei na ki jingjop kaba khraw kaba ki pulit ka jylla Meghalaya kaba ki la lah ban leh ka long ba kila kem 24 ngut ki dkhot jong ka seng ANVC(B) na kawei ka jaka ia kaba la tip kum ka Edenbari ha jan Tura West Garo Hills.
Ka Edenbari ka jngai tang kumba 7 km na ka sor Tura, haba ki pulit kila ioh ia ka jingtip ba kine ki lehnoh ki don ha kane ka jaka kila leit ban ker kut bad haba ki lehnoh kila iohi ia ka jingbun jong ki pulit kila pyndem ia lade da kaba shuaiti.
U heh pulit jong ka West Garo Hills u Mukesh Singh ula ong ba ki don ka sabut ba dei kane ka kynhun kaba la pyniap ia ki nongbylla ha kine ki sngi bad ka jingtohkit ka dang iaid sha khmat.
Ki pulit kila ioh kurup bun ki tiar siat bad ki kuli na katei ka jaka sah jong ki bad ki pistol bad ki kot ki sla kiba ia dei bad kane ka seng, ki pulit ki ong ba ia ki nongbylla na Assam dei kine kiba la pyniap kila kynnoh.(SP News)
