Shillong, Kyllalyngkot 12: Ki pulit jong ka nongbah Shillong ha ka meit sngi balang kila leit ban khyndang ia ka iing kaba don ha Nongkhyriem ha Nongthymmai bad la kem 6 ngut ki briew ha kaba ki pulit jong ka tand ba dei peit ia ki kam drug ia kaba la tip kum ka Anti-Narcotics Task Force (ANTF), East Khasi Hills kila ioh ban kurup ba ki drug na kine kiba shah kem.
Ki pulit kila ioh ban kurup 1.25 gram u Herion na ki tim thep Golden, kiba la shah kem ki long ka Sujata Chettri 22 snem na Pohkseh, ka Zonunmawii Pachuau 21 snem na Happy Valley, u Rohit Barua 21 snem 4th Furlong Polo, u Rakesh Barua 22 snem na 4th Furlong Polo,u Sujoy Ghosh na Pynthorbah Block-1 bad u Pranjit Chayenggia 22 snem na Dhankheti.
Na ka liang jong ki pulit kila peit bniah ia ka iaid ka ieng jong kine ki briew la katto katne por bad ha dien ba kila ioh ia ka jingtip kaba thikna kila sa leit ban khynra ia ka iing kaba don ha Nongkhyriem ha Nongthymmai bad la ioh kurup ia u tei u drug bad la kem ruh ia kine ki 6 ngut.