Shillong, Nailur 15: Ki pulit jong ka Nongstoin police station ha dien ba kila ioh ia ka jingujor na kawei ka long kmie na ka shnong Myriaw ha ka 11 tarik mynta u bnai ba kila don hynriew ngut ki briew kiba la leh beijot ia kawei ka khynnah ha katei ka shnong ha ka por jan miet.
Haba ki pulit kila ioh ia kane ka jingujor , ki pulit kila leit sha katei ka shnong kaba hap hapoh jong ka West Khasi Hills District, bad haka jingtohkit kila ioh ban kem hynriew ngut ki briew kiba la suba ki don kti ha kane ka kam runar.
Na kine kiba la shah kem ha ki pulit la long ba ki don kiba dang khynnah ka rta, kine briew kiba la shah kem baroh mynta ki dang don ha kti jong ki pulit ban pynlong ia ka jingthohkit. Na ka liang jong ki pulit kila register case ia ki ha ki kyndon ain bapher bapher bad baroh kine kiba shah kem dei na ka shnong Mawkhohmoit.
