Tura, Naitung 08: Ki pulit jong ka jylla Meghalaya mynta ka sngi kila ioh ban kem haduh 9 ngut ki lehnoh na ka seng Achik Songna Achakpakiga Kotok (ASAK) na ka sor Willaimnagar bad Rongjeng kaba hap hapoh jong ka East Garo Hills.
Na kine ki 9 ngut ki lehnoh ki pulit kila ioh ban kurup ki tiar ialeh bad la ioh ban kem ruh ia u Area Commander jong kane ka kynhun lehnoh, la ong u SP Davies Marak. Ha kaba sdang la ioh ban kem ar ngut bad lyngba jong ki la ioh ban kem ia kiwei pat.
Kine kiba la kem da ki pulit la tip kyrteng kum u Rikran Momin, Sabat Marak, Selbi Arengh, Isak Sangma, Walman Sangma bad u Merak K Sangma u ba la mih na ka seng GNLA, ia kine la kem na Williamnagar bad ia kiba la kem na Rongjeng ki long u Pagal Sangma (Balwa), Ninibirth Sangma bad u Dinesh Ch Marak la ong u SP ka East Garo Hills.(SP News)
