Shillong,Naiwieng 18: Ka jingkylliang pisa jong ka sorkar NDA kumba la pynbna da u myntri rangbah duh jong ka Ri u Narendra Modi kala trei kam ha kane ka jylla Meghalaya pyrshah ia ki seng lehnoh, ha kaba ki pulit jong ka East Garo Hills mynta k aka sngi kila ioh ban kurup haduh T.35 lak tyngka ka pisa kaba la subajur ba ka dei jong ka seng lehnoh GNLA.
Kane ka jingioh kurup jong ki pulit ka East Garo Hills kane ka pisa ka long ba ki pulit kila suba jur ia ki ar ngut ki briew kiba la pyrshang ban bujli ia ka pisa kaba ki don da kaba thaw ia ki buit ki lad kumno ban pynkylla ia ka pisa kaba don bad ki namar ka sorkar kala ong b aka lut shihajar bad ka lut san spah kan nym trei kam shuh.
Ia kane ka pisa kaba la ioh ban kurup da ki pulit mynta ka sngi ka long T.34.65 lak na iing jong u Lingstone CH Marak n aka shnong Chachatgre bad na u Simple CH Momin ki pulit kila ioh tang shilak tyngka. Na ka liang jong ki pulit mynta ki dang thwet jur ban lap shuh shuh ia ka pisa kaba la buh rieh da ka seng GNLA ha ki nongkyrhan jong ka.
Kane ka rai jong ka sorkar pdeng ban khang noh ban pyndon kam ia ka pisa shihar bad san spah kala kdiah khylliap ia ka pla pisa jong ki seng lehnoh baroh bad mynta ki nongkyrshan kiba pynbuhia ka pisa jong ki ki wad kilad ki lynti kumno ban bujli ia kane ka pisa.
