Shillong, January 11: Ha ka sngi ba ar ha ka por kumba 10.30 baje mynmiet ar ngut ki runar kila mait da u side ia u Bah Edwin Lyngdoh Mawphlang u ba dang 33 snem ka rta ha Iewduh bad ha kane ka jingmynsaw jur u khlad noh ha NEIGRIHMS Hospital.
Ki pulit kila kem ia kine ki ar ngut ki runar u bah Hunlangki A Thabah 21 snem bad ia u Bah Stobarius Kurbah 20 snem kiba la leh ia katei ka kam runar. Na ka liang jong ki pulit kila pynlong ia ka jingtohkit ban lap ia ka jingjia baroh.
Ha kawei pat ka jingjia kala don ka jingiatyngkhuh kali hapdeng ka trok kaba don ia u number AS-01BC-8273 ba la niah da u Ronnie Tangsang 20 snem ka rta bad ka bike kaba don ia u number AS-01Y-4258 ba la niah da u Benedict Mylliem 29 snem ha 5th Mile, Upper Shillong.
Ha kane ka jingiatyngkhuh, ki ar ngut kiwei kiba shong ha kane ka bike u bah Donboklang Shynrep 32 snem bad u Bah Joshua Kurbah kila duh iala ka jingim ha kane ka jingiatyngkhuh kali, katba u nongniah u la mynsaw jur. Ki pulit ki dang pynlong ia ka jingtohkit.
