Shillong, Kyllalyngkot 12: Ki pulit jong ka nongbah Shillong kila ioh kem ia u Nirdesh Jain ia kaba la tip kum u Appu u ba dei na Padhya Pradesh ia u ba ki pulit kila register case hapoh Madanriting police station P.S. C/NO. 77(12)16 U/S 3(A)/4 POCSO ACT. Une u briew u trei kum u manger hapoh kawei ka petrol pump ha Khliehriat ha dien ba u la tip ia kane u la phetrieh sha Guwahati.
Haba ki pulit kila ioh ia kane ka jingtip kila ap ktem ia u ha Guwahati bad la kem ia u a Paltan Bazar bad une u briew u la rieh ha ka jaka ba la tip kum ka Kumarpara, la rah ia u sha poh iing bihsar bad ka iing bishar kala ai police custody san sngi.
Ha kane kajuh ka sngi ki pulit kila ioh ban kem ia u Bah Elbert Shemphang Kharlukh ia u ba la tip kum u Kesop u ba dei na Mawlai Mawdatbaki, ia u la kem ha IGP Point Shillong bad ia u ruh la pyngnat hapoh ka ain POCSO Act hapoh jong ka Laitumkhrah Police station katkum ka case bala register . C/NO. 77(12)16 U/S 3(A)/4 POCSO ACT.
Ki pulit ki ong ba u Bah Kharlukhi u dei u dkhot ka HNLC ba la wan ban pyndem ha khmat jong ka ain, ka jingkynnoh ia u katkum ka dei ka jingujor ejahar ka long ba u la long u nongiarap ia u Bah Julius Dorphang u ba la shah kem bad don mynta ha kti jong ki pulit.
