Shillong, October 07: Ki pulit jong ka jylla Meghalaya kila ioh ba kem ia hynniew ngut ki briew kiba don kti ha ki kam rahbor kyntup ia kawei ka kynthei ha kaba la kynnoh ba ki don kti ha ki kam rah bor ia u Arabindra Kr Das, 77 snem na Shillong ha ka 25.7.16, katba u dang leit iaid kai step.
Haba u Arabindra ym shym la wan phai iing ka kurimjong u ka Sunita Das kala ujor ia kane ka jingjia sha ki pulit jong ka Sardar Police station ha ka 26.7.2016 bad dei ha kane ka juh ka sngi ka khun jong ka kaba shong ha Pune kala phone ba u kpa u la shah rah bor bad ki dawa san klur ban pynlait ia u na ki nongrah bor.
Halor kane ka jingjia na ka liang jong ki pulit kila thaw ia ka kynhun pulit kaba kyrpang bad ha dien ka jingiatreilang bad ki pulit ka jylla Assam laioh ban pynlait ia u Arabindra na Karimganj, bad la kem ia u Nurul Haque jong ka Ramkrishna Nagar Karimganj district.
Ki pulit jong ka jylla kila pynlong ia ka jingthohkit kaba janai bha ha kane ka bynta bad ha dien ka jingtohkit la ioh ban kem ia u Tapan Mallakar jong ka Dalugao, Kailashaher, Tripura u ba shong bas ah ha Lumkhyriem, Ishyrwat, Nongmynsong bad une u la shim ia ka jingiarap jong u wei u Tapan Mallakar u ba shong ha Oakland ban thied ia ka kali Black Wagon R kaba don ia ka Delhi Registration bad la pynkylla sha ka ML10B3589.
Ha kane ka jingrabor la pyndon kam da ka kali Esteem ML05L 2150 ban phone sha kiba ha iing bad u Tapan Mallakar u la khot ia u Bappan Nath ban leh ia kane ka kam rahbor bad u Tapan Mallakar u ba shong ha Oakland u la bei pisa ban leh ia kane ka kam rah bor ia kiba heh spah ha kane ka nongbah Shillong. Nalor kine ki pulit kila kem ruh ia u Rustom Ali, U Raja Marboh,u Tasaruf Ali, u Nurul Islam bad dei kine kiba la buh rieh ia u ba shah rahbor ha khlaw jong ka Kalibari ha Karimganj District.
Ha dien ka jingioh kem ia u Nurul Haque jong ka Gamari, Ramkrishna Nagar, Karimganj u ba don lang bad u nongshah rahbor ha ka jingtohkit ki pulit kila ioh bankem ter ter sa ia u Tapan Malakar jong ka Kailashaher, u ba plan ia kane ka kam rahbor ia ki briew bad ka lokjong u ka kong Bada Myrthong ia kine shikurim la kem na Lumkhyriem, Ishyrwat, Nongmynsong, ha dien kane laioh ban kem ia u Tapan Malakar na Oakland u ba bei pisa ban leh ia kane ka kam rahbor.
Ha dien ka jingkem ia kine ki briew la kem ruh ia u Bapan Nath na ISBT, Dharmanagar, Tripura, ha dien kane la kem ia u Raja Myrboh na Ishyrwat u ba pynithuh ia u ne u heh spah. Na kine ki phra ngut ki briew ki pulit kila ioh kurup ar tylli ki kali bad 12 tylli ki mobile bad 6 tylli ki sim card da kane ki pulit kila lah ban pyndep ia kane ka case bad ban pynpra ia kane ka kam rahbor kaba la don lang ruh kibriew kiba na bar.
