Shillong, Lber 06: Ki shipai BSF kiba peitngor bha ha khappud jong ka India bad ka Bangladesh kiba don ha Dawki ha West Jaitnia Hills District kila iohi ba don wei briew ba don hapoh jong ka trok kit mawshun ban thung ban rung sha Bangladesh.
Haba iohi kane ka jingleh jong u tei u briew u ba ki khlem pat iathuh kyrteng ki BSF kiba don ha khappud ha kad khaii sha Bangladesh kila bat ia ka trok kaba don ia u number ML04-B-6866 ba nalor u draibar don sa u wei ha poh ka trok, ki shipai BSF kila kem mardor.
Ki shipai BSF kila kem ia u tei u briew ba thmu ban rung sha Bangladesh lyngba katei ka trok, ki BSF kila kem lang run ia u draibar ba niah ia katei ka trok, ka daw jong ka jingkem ka long ba u la shah kynnoh ba u la buh rieh ban pynrung tuh ia u briew sha Bangladesh.
Katkum ki kyndon kiba ki shipai BSF ki bat ha kaba pyniaid ia ki kali kit mar ban pynrung sha Bangladesh ki shah ban rung tang ia u nongniah marwei hapoh kali bad shuwa ban rung ki BSF ki da peit bniah ia ka rung ka mih jong ki briew bad haba wan phai ruh kid a peit bniah.
Kane ka jingioh kem jong ki BSF ia u tei briew ba thmu ban rung sha Bangladesh ka dei na ka daw jong ka jingpeitngor ha kaba trei ia ka kam, na ka liang jong ki pulit kid a peit bniah ba ki briew kiba rung dei tang kiba la ai jingbit.
