Shillong, Kyllalengkot 04: Ka seng CSWO ha ka jingpynlait khubor mynta ka sngi kala ong ba ha ka shitarik mynta u bnai kawei ka khynnah samla kaba dang 17 snem ka rta kala shah leh beijot ha ki riew runamar hapoh jong ka shnong Mawryngkneng kaba hap hapoh jong ka East Khasi Hills District.
Katkum ka jingpynliat khubor jong ka seng CSWO, la ong ba kane ka khynnah samla kala mih na iing jong ka kmie san ha ka por kumba 9 baje mynniet ha dien ba kala dep ban bam ja, namar ka iing sah jong ka ruh ruh ka log kaba jan, hynrei kine ki riew sniew kila rah jubor ia ka da kaba set ia ka shyntur jong ka bad rah ia ka sha ka iing sahwai jong u Rimon Surong bad ia kane ka kam sniew kila leh ha kane ka jaka la kam ka CSWO.
La ong ba ha ka sngi kaba but kane ka khynnah ha din ba kala tip briew kala phet na kane ka iing namar ba u Rimon ha kane ka por u dang ioh thiah, ha ka juh ka por kiba ha iing ha sem kila ia wad ia ka bad kila ioh ban tam ia ki jainphong jong ka hynrei haba kala poi sha iing kane ka khynnah samla kala mong ka met ka phad ka jong ki bad ha dien ba kala kham tip briew kala iathuh ia kaba la jai baroh ha kiba ha iing ha snem.
Ha ka jingpynlait khubor jong ka CSWO la kynnoh ba kiba don kti ha kane ka kam runar ki long u , Sanlang Kharlukhi, Rimon Surong, Requester Mukhim, Shan Dkhar , Sanbhalang Mawthoh bad u Balumlang Rynjah.
Da ka jingkyrmen ba u sordar jong ka shnong Mawryngkneng, un kem bad aiti ia kitei ki briew sha ki bor pulit, kiba ha iing jong kane ka khynnah kila leit ban iathuh ha sordar shnong ha ka 2.01.2017, ha ka jaka bay n phah kem ia u u sordar shnong u la tian bishar bad u kwah pynban ba kin ia poi sha ka jingiasuk namar ba u para jong u rangbah shnong ruh u dei u wei na kiba la shah kynnoh.
Ka CSWO kala ong ba kine kiba la shah kynnoh ha kane ka kam runar ruh kila poi lang sha ka dorbar hynrei la phah noh ia ki sha iing, bad kane kala pynlong ba ha ka 3.01.2017 kiba ha iing kila pyntipnoh ia kane ka jingjia sha ki pulit.
Halor kane ka jingjia mynta ka sngi la ai ia ka FIR da ka jingiarap jong kiba ha iing ha sem jong kane ka khynnah bad bad ia ka jingeksamin jong ki doctor la leh hapoh jong ka PHC Mawryngkneng ha k alai tarik jan miet.
Kum ka seng ka CSWO ka pynrem jur ia kine ki riew sniew bad la ong bay m dei ban ai jamin ia kine ki briew kiba leh ia kane ka kam poh jaid pohrati, kumba ka long haduh mynta ym pat kem ia kine ki ba la shah kynnoh ba ki don kti ha kane ka kam sniew. Ka seng ka dawa ba ia ka POCSO dei ban pynngat ruh ia kito ki briew kiba pyrshang ban iarap ia kitei ki nongleh kam sniew.
