Shillong, Jymmang 20: Ki shipai Border Security Force, ha dien ba kila ioh ia ka jingtip kaba thikna ba ki don ki masi kiba la phah sha Bangladesh lyngba ka Lyngkhat, na ka jong ki shipai BSF kila kerkut ia katei ka jaka bad ki la ioh ban kem haduh 113 tylli, katba ki briew pat kila ioh ban phet.
Katba na Iew hymmai, UMsyiem, Tuka ki jaka ba hap hapoh jong ka East Khasi Hills Districtm Muktapur ha West Jiantia Hills District, Rajia, Gumaghat jong ka South West KHasi Hills District bad Dumdama hapoh jong ka Dumdama , South Garo Hills district ki jaka kiba hap hapoh ka jylla Meghalaya na kine ki jaka kila ioh ban kem pat haduh 95 tylli ki masi ia kiba la phah sha Bangladesh.
Na ka liang jong ki shipai jong ka BGB kila juh ai jingtip sha ki shipai BSF ia ki jaka ba ki nongkhaii masi tuh ki juh pyndon kam, ka jingeh ka long ba kine ki nongklhaii masi tuh ki pyniaid na ki jaka ba pat ker ksainar shiah lane na da kaba ot ia ki ksainar shiah ban ioh phah ia ki masi sha Bangladesh.
Na ka liang jong ki shipai BSF kumba ka long mynta ki long kumba ki trei tang shiliang kti namar bay m shym la ai jingbit ia ki ba kin pyndon kam da ki lathi, kaei kaba jia ka long ba ki BSF ki lah ban pyndon kam ia u lathi jong ki tang lada ki shah bom kylla ha ki nongkhaii tuh.
