Shillong, Risaw 07: Ki pulit jong ka nongbah shillong, kila kem naphang ia ki kali ronglieh khleh jyrngam kiba kamai hapoh kane ka nongbah Shillong namar ia ki la ai permit da ka ophis jong u DTO tang ban kamai ha ki nongkyndong.
Ha kine ki sngi ki pulit kila ioh ban kem haduh 29 tylli ki kali bad ka kuna kaba kila ioh ban lum nakine ki kali kala kot sha ka T.11.300/- tyngka.
La kdew ba ka jingai permit ia kine ki kali ka long ba kin kamai ha ki nongkyndong bad ki lah ban kiew sha sor tang ban wan buh briew bad leit biang ban kit ia ki briew kaba ki la wan sha ka jaka kaba ki mih.
Katkum ka jingpynlait khubor na ka liang jong ki pulit kila kren shai ba ka permit jong kitei ki kali ka long ban kamai sha ki nongkyndong ym ha sor.
