Shillong, Iaiong 20: Ki shipai BSF kiba la buh kyrpang ban iada ia u pud u san hapdeng ka India bad ka Bangladesh mynta ka sngi kila ioh ban kurup kawei ka suloi tuh na ka shnong Umkiang ha East Jaintia Hills District.
Ha kawei pat ka jingjia ki shipai BSF kiba la buh ha South West Khasi Hills kila ioh kem ia u Pradip K Polin na ka shnong Munai ha dien ba kila I suba sniew ia ka iaid ka ieng ka jong u ha ka tei ka shnong.
Haba ki BSF kila ioh ban kem na u tei u briew ki la lap ia ki dynamait, ki shipai BSF kila aiti ia u tei u briew sha ki pulit jong ka Ranikor Police Station ba kin leh ia kaba don kam. Une u briew u trei bylla ha ka ba shna jingkieng.
Ha kine ki taiew na ka liang jong ki BSF kila ioh ruh ba kem ia ki nongkhaii tuh bad ka pisa kaba la bun na ki khappud jong ka India bad Bangladesh.(SP News)
