Jowai Jylliew, 04: Ka Jaintia Student Movement West Jaintia Circle (JSM-WJC) mynta ka sngi 3/4/2014 ka la ioh kem ia u wei u briew u ba la tip kyrteng kum u Ram Sankar uba shong ba sah ha ka shnong Moosalyngkat jowai.
Ka JSM-WJC ka la kem ia une u briew ha ka jingiadei ba u la leh bei ijot ia ka wei ka khynnah ba dang 13 snem ka rta, ka ba long pyrshah ia ka ain shong kha shong man bad ruh pyrshah ia ka mon jongka.
Hadein ba ka seng ka la ioh kem ia u na ka jing u jor jong ki ba ha ing ha sem jong kane ka khynnah, te ka seng ka la aiti noh ia u sha ka bor pulit jong ka Jowai Police Station ban leh ia kaba don kam.
Kum ka seng ka dap ka jingsngew sih ba khraw ba kat dang mih ki sngi kipor ki nong wei ki dang iuh roit ia ki jait bynriew, bad ki sngew phyla ba kumno u ne u nud ban leh kat ia kane ka kam pohjait.
Ka JSM – WJC ka kyntu ia ki bor jong ka ain ba kadei ban shim khia bad ym dei ban ai jamin ia kum u ne u briew ba nud ban pynkhein ia ka hok long briew man briew jong ki khynnah kynthei kata ruh ia ka jait bynriew jongngi.Lada ka bor ong ka ain kam shim khia ka seng kan shim da ka wei pat ka lynti pyrshah ia utei u runar.
Ha ka juh ka por ka seng JSM-WJC ka la maham tyngeh ia ki khun samla ka jait bynriew ba kim bit ban ialok bad shong kha ia ki wei pat ki jaitbynriew namar ka ktah ym tang ha ka long ing longsem jong ki hynrei ka ktah wat ia ka imlang sah lang kumjuh.Lada ka seng ka lap ia ki para jait bynriew ban shong kha bad u nowei ka seng kam lah shuh ban pdiang ia ki kum ki para jait bynriew.
Ka JSM ka kyntu ruh ia ki dorbar shnong bapher bapher ba ki dei ban tehlakam ia ki nong shong shnong na ka bynta ban khang lad ia ki ban shongkha bad ki wei pat ki jait bynriew, khnang ba ka shnong kathaw kan long kaba shongsuk shongsain.
Ia kane ka kyrwoh khubor la pynlait da u samla pillar stone Phawa u ba long General secretary ka Seng JSM-WJC.(SP News)
