Shillong, Kyllalyngkot 28: Na ka daw ba ka sorkar Assam kala khang ban die ia ka um dih kaba la ai kyrteng “Bailey” ia kaba la pynmih da ka M/S Padmesh Beverages, Satgaon, Udayan, Vihar, Kahilakuchi, Guwahati-7.
U Joint Commissioner jong ka tnad Food Safety, Meghalaya, Shillong, mynta ka sngi u la bethah ia baroh ki ophisar ba kin knieh noh ia baroh ki umdih ha ki bilor kiba la pynmih da ka M/S Padmesh Beverages, Satgaon, Udayan, Vihar, Kahilakuchi, Guwahati-7 bala ai kyrteng “Bailey Brand” bad “Bailey Soda”.
Ia kane ka um la phah sha ka jaka ban peit bniah da ka sorkar Assam bad Meghalaya ha Bamunimaidan, Guwahati. Kum ka lad jingiada la khang pyrshah ban die paidbah ia kane um bilor Bailey bad Bailey Soda ha iew ha hat katba ka sorkar kam pat ioh ia ka jingpynshai na ka jaka peit bniah.
