Shillong, Nailar 15: Ha baroh saw dong jong ka jylla ka jingrakhe ia ka sngi Laitluid jong ka Ri mynta ka sngi ka long shisha kaba shongkun ha kaba
ki paidbah kila ia tuid sha ki jaka ba don kane ka jingleh burom ia kane ka sngi b aka Ri India kala ioh ia ka jinglaitluid na ka jingsynshar jong ka Ri Bilat 70 snem mynshuwa.
Ha ka nongbah jong ka jylla ia ka lama jong ka Ri India la pynher da u myntri rangbah duh jong ka Jylla u Dr Mukul Sangma ha kaba da ki phew phew hajar ki paidbah kila ioh ban rakhe ia kane ka sngi da kaba kham kylluid mynsiem ha dien ba ka seng HNLC kala rai ban nyngkhot shuh ia ka pakhang shnong ha kum kane ka sngi.
Katkum ki khubor kiba la ion na ki Head quarter jong ki District baroh la ong ba ki paidbah kila ia tuid sha kane ka jingrakhe ia ka sngi Laitluit da kaba I shong kumn ha kaba kila don bun ki jingialehkai ha dein ba la dep ban pynher ia ka lama lai rong jong ka Ri.
Ka jingrakhe ia ka sngi Laitluit mynta ka sngi kam shym long shuh tang ha ka Nongbah jong ka jylla ne ha ki District hynrei kala long haduh ki Block ha kaba ki jaka ba khlem lah ban don ki myntri sorkar la pynher ia ka lama lai rong jong ka Ri da ki MLA jong kito ki jaka.
Ha kane ka sngi bun ki iew ki hat kila khang lut, na ka bynta ban pynlait por da kaba khang dukan shisngi ban ioh ban ia leit ban ia shim bynta ha kane ka sngi ban rakhe ia ka jingioh lait luid jong ka Ri. Ha kane ka nongbah shillong la iohi ba bun na ki jaka shongkai kila dap da ki khyllun khynnah ha kaba kmie ki kpa kila ialam kai sngewbha ia la ki jong ki khun ki kti.
