Mawkyrwat, Iaiong 02: Mynta ka sngi ha ka por saw baje mynstep ka lyeriong kala khih kynsan ha ki thain khappud bad ka Bangladesh, ha ryngkat ka jinghop jong u phria u ba heh naduh ki thain Moilam sha duh ki thain Ranikor hapoh jong ka South West KHasi Hills District. Ha kane ka jinglynshong jong ka mariang da ki spah tylli ki iing ki sem kila shah pynjulor bad bun tylli ki kali ruh kila julor.
U Martin M Danggo MLA jong kane kane ka jaka mar ia tip ia kane ka jingjia mynta ka step u la leit bran bran sha katei ka thian ban leit ban jurip hi da lade, khnang ba ki lad jingiarap ia ki paidbah kan kham kloi. Haduh mynta ym pat lah ban ioh ia ka jingkhein kiba thikna haduh kattno spah tylli ki iing kila shah pynjot hynrei la khein ba ka jingjulor jong ki iing ki long da ki spah tylli.
Ki shnong kiba la shah ktah ha kane ka jingshah lynshop ha u mariang ki long da ki phew tylli khamtam eh ha ki shong khappud bad ka Bangladesh, kum ka jingiarap ba kyrieh na ka liang jong u MLA u la rah lang ruh ia ki lad jingiarap ha kaba ym sa sam sha ki paidbah la shai ka sngi, kum ka jingiarap ba shipor haduh ban da ioh ia ka jingkhein ka bniah. Kine baroh ki shnong ki hap hapoh jong ka Ranikor C&RD Block.
Katkum ka jingtip kaba la ioh mynta ka sngi, na ka liang jong u MLA kane ka thain u la ong ba ka jingwan lynshop jong lyeriong kala wan ha ka por kumba saw baje mynstep ha kaba kiba bun ki paidbah ki dang ioh thiah lyngai, hynrei haduh mynta ka sngi ym shym pat ioh kano kano ka khubor ban ong ba kan don ka jingjia ba sngew sngi ha kaba ia dei bad ka jingim briew.
