Shillong, Naiwieng 10: Ki pulit kila pyntip ba ha ka 7 tarik mynta u bnai ha ka por 10.30 baje mynstep kila ioh ban tam kawei ka long kmie kaba ym lah ban tip kyrteng na jan Choudhury Pharmacy ha khyndialad bad la rah ia ka sha Civil Hospital ban phah sumar.
Hynrei kane ka long kmie ha ka 8 tarik mynta u bnai kala khladnoh hapoh Civil Hospital Shillong, na ka liang jong ki pulit ki ong ba lada don mano mano ba iathuh ia kane ka long kmie ki lah ban leit peit ia ka namar ia ka met iap jong ka la buh ha jaka buh met iap ha Civil Hsopital.
Kane ka long kmie kala don hapdeng ka rta kumba 50 snem ei ei, ka phong ia ka soptip ba saw, ka sem ia ka jain kyrshan thorongsaw bad ka jain tawah kaba saw.
